जनकपुरधाम। गत बिहीबार जनकपुरको जानकीचोकमा प्रहरीले नरिवल बेच्ने युवक रोहित चौधरीसँग पैसा मागेको भिडियो खिचेका कारण युवा अभियन्ता सुशील कर्णमाथी प्रहरीले दुर्व्यवहार गरेको घटना प्रती ध्यानाकर्षण गराउदै। युथ एक्सन फोर्सले सिडियोलाई आइतबार ज्ञापनपत्र बुझाएको छ।
युथ एक्सन फोर्सका अध्यक्ष प्रशान्त झाको नेतृत्वमा धनुषाका प्रमुख जिल्ला अधिकारी प्रदिप राज कनेललाई जानकीचोकको घटना प्रति ध्यानाकर्षण गराउँदै ज्ञापन पत्र बुझाएको छ ।
ज्ञापनपत्रमा प्रहरीले कुनैपनि युवा अगुवालाई कुटन मिल्ने कि न मिल्ने ? के समाजका लागि काम गर्दै आएका युवाहरूलाई प्रशासनसँग खतरा हुने हो कि ? के जनकपुरका युवा वर्ग प्रशासनसँग असुरक्षित छन कि ? लगायतका प्रश्नहरु समेत गरिएको छ ।
ज्ञापनपत्र बुझाउन गएका युवाहरुले उक्त घटनालाई अपराधिक तथा असामान्य घटना बुझियोस भनि कार्यको भत्सर्ना गर्दै न्यायको माग गरेका छन् ।
ज्ञापनपत्रमा ‘घटनाले नेपालको मूल कानुनलाई चुनौती दिंदै प्रहरी प्रशासनले राईट टु लिभ विथ डिग्निटी,राईट टु युथ,राईट टु युथ ईम्पावरमेन्ट जस्ता मानवअधिकारको हनन गरेको उल्लेख छ । घटनाबारे प्रशासनले निकालेको विज्ञप्तिसँग आफुहरूको चित्त नबुझेको भन्दै सो विज्ञप्ति त्रुटिपूर्ण रहेको युथ एक्सन फोर्सका अध्यक्ष प्रशान्त झाले बताए ।
सो घटना दुई समूहबिचको झै झगडा नभई प्रहरीद्वारा सुनियोजित रुपमा घटाईएको घटना रहेको र हामीलाई रक्षक प्रहरी नै भक्षक भएको महशुस हुन लागेकोले घटनाको सत्य तथ्य छानविन गरी दोषी प्रहरीमाथि कडा कारवाहीको माग समेत गरिएको छ ।
