जनकपुरधाम,२७ साउन ।सत्तारूढ दल नेकपा माओवादी केन्द्रका ५० जना भन्दा बढी नेताकार्यकर्ताहरु जनमत पार्टीमा प्रवेश गरेका छ्न।
शनिबार महोत्तरीको मनरा शिशवा-८ सहसराममा एक कार्यक्रमबीच नेकपा माओवादी केन्द्रका वडाध्यक्ष तथा पार्टीका जिल्लासदस्य बजरंगी तिवारीको नेतृत्वमा ५० जना भन्दा बढी नेताकार्यकर्ताहरु जनमत पार्टीमा प्रवेश गरेका हुन।
नवप्रवेशी नेताकार्यकर्ताहरुलाई जनमत पार्टीका महासचिव तथा मधेश सरकारका श्रम तथा यातायात मन्त्री चन्दन सिंहले पार्टीको सदस्यता प्रदान गरि उनिहरुलाई पार्टीमा स्वागत गरेको जनमत पार्टीले जनाएको छ।
साथै ,सो वडाका जनमत पार्टीका नेताकार्यकर्ताहरुले महासचिव सिंह मधेश सरकारका श्रम तथा यातायात मन्त्री बन्नुभएकोमा उहाँलाई फुलमालासहित दोसल्ला ओढाएर सम्मान गर्दै मन्त्री सिंहलाई बधाई तथा शुभकामनासमेत दिएका थिए।
