काठमाडौं,२८ साउन । नेकपा एमालेले ललिता निवास जग्गा घोटला प्रकरणमा मुछिएका दुई पूर्वप्रधानमन्त्री बाबुराम भट्टराई र माधव नेपाललाई तत्काल पक्राउ गनुपर्ने बताएको छ ।
आइतबार पार्टी कार्यालयमा भएको पत्रकार सम्मेलनमा बोल्दै एमाले नेताहरुले यस्तो माग राखेका हुन् ।
सर्वोच्च अदालतले अनुसन्धान गर्न आदेश दिएपनि हालसम्म नेपाल र भट्टराईलाई सोधपुछसम्म नगरेकोप्रति एमालेले आपत्ति जनाएको छ।
एमाले प्रचारविभाग प्रमुख राजेन्द्र गौतमले मन्त्रिपरिषदबाट भूमिका खेल्ने पूर्वप्रधानमन्त्रीहरुलाई अदालतबाट निर्देशनात्मक आदेश हुँदा पनि आजसम्म बयान गराउनु सरकारको गैरजिम्मेवार पन भएको बताए ।
उनले सरकारले सत्तापक्ष र विपक्षलाई फरक व्यवहार गरेको बताए। नेपाल प्रधानमन्त्री हुँदा ०६६ चैत २९ गते ललिता निवासको जग्गामा ‘विशिष्ट व्यक्ति’को निवास विस्तार गर्ने निर्णय भएको थियो।
