जनकपुरधाम,२८ साउन । लोकतान्त्रिक समाजवादी पार्टी नेपालका अध्यक्ष महन्थ ठाकुरको आफ्नै भतिजसहित सयौं जना जनमत पार्टीमा प्रवेश गरेका छन् ।
शनिबार मोत्तरीको सोनमा गाँउपालिका -४ खेसरहामा एक कार्यक्रमबीच लोसपाका अध्यक्ष ठाकुरको आफ्नै भतिज सुर्यनारायण ठाकुरसहित लोसपाका सयौं जना नेताकार्यकर्ता जनमत पार्टीमा प्रवेश गरेका हुन् ।
जनमत पार्टीका केन्द्रिय सदस्य बिरेन्द्र कुमार मण्डलले नेता ठाकुरलाई पार्टीको सदस्यता प्रदान गरी जनमतमा स्वागत गरेको छ ।
सो पार्टी प्रवेश कार्यक्रममा जनमत पार्टी मोहत्तरी जिल्ला ईन्चार्ज सौरभ साह र जनमत पार्टीका केन्द्रिय कार्यकारिणी सदस्य नेता संजय यादवको उपस्थितीमा विभिन्न पार्टीका सयौं जना पार्टीमा प्रवेश गरेको हो ।
त्यसैगरी,एकडा गाउँपालिका-६ गोनरपुराका लोसपाकै नेता लक्ष्मी यादवको नेतृत्वमा ३५ जना जनमत पार्टी प्रवेश गरेको पार्टीका केन्द्रिय सदस्य बिरेन्द्र कुमार मण्डलले जनकारी दिए ।
