जनकपुरधाम ,२९ साउन । धनुषामा नेपाली कांग्रेस,नेकपा एमालेसहित विभिन्न पार्टी परित्याग गर्दै दर्जनौं नेताकार्यकर्ताहरू जनमत पार्टिमा प्रवेश गरेका छन् ।
सोमबार जनमत पार्टीको जनकपुरधामस्थित रहेको सचिवालयमा एक कार्यक्रमबीच नेकपा एमाले हंसपुर नगरपालिका-८ का वडासचिव राकेश कुमार मण्डल,लोसपाका नेता शत्रुधन अधिकारी,नेपाली कांग्रेसका नेता लक्ष्मी कुमार यादव,मिथिला विहारी नगरपालिकाका युवा नेता श्यामकुमार यादवलगाईत विभिन्न पार्टीका दर्जनौं नेताकार्यकर्ता जनमतमा प्रवेश गरेका हुन्।
नवप्रवेशी नेताकार्यकर्ताहरूलाई जनमत पार्टीका केन्द्रिय सदस्य तथा धनुषा जिल्ला ईन्चार्ज सुरेन्द्र कुमार मण्डलले अबिरको टिका लगाउदैँ पार्टीको सदस्यता प्रदान गरी पार्टीमा स्वागत गरेको हो ।
सो कार्यक्रममा जनमत पार्टीका केन्द्रिय कार्यकारिणी समिति सदस्य सत्यनारायण खंग ,केन्द्रिय सदस्य बिरेन्द्र कुमार मण्डल,युवा जनमत संघ धनुषा अध्यक्ष देव महरा,विद्यार्थी जनमत संघ धनुषा अध्यक्ष बिरेन्द्र यादव,पार्टिका नेता साबिर हुसेनसहितका नेताको उपस्थितीमा विभिन्न पार्टी परित्याग गरी जनमत पार्टी प्रवेश गरेकाहरुलाई स्वागत गर्दै बधाई तथा सफल कार्यकालको शुभकामनासमेत दिएको हो ।
