२० फाल्गुण २०८०, आइतबार
03-03-2024 , Sun
×

प्रदेश २ मा क्रिकेट संघको कार्यसमिति गठन

Logo
प्रकाशित सोमबार, भाद्र १६, २०७६

जनकपुरधाम । प्रदेश २ मा क्रिकेट संघको नयाँ समिति गठन भएको छ। नेपाल क्रिकेट संघ प्रदेश २ को विशेष साधारणसभा तथा अधिवेशनबाट धनुषाका हिरा भगतको अध्यक्षतामा १२ सदस्यीय प्रदेश स्तरीय कार्यसमिति गठन भएको हो।

महोत्तरीको बर्दिबास स्थित रहेको होटल पावन मिथिलाको सभा हलमा शनिबार आयोजित विशेष साधारणसभा तथा अधिवेशनबाट क्रिकेट संघको उपसभापतिमा सिरहाका सुनिल कुमार महासेठलाई चयन गरेको छ भने सचिवमा सप्तरीका आयुष श्रेष्ठलाई चयन गरिएको छ। त्यस्तै कोषाध्यक्षमा रौतहटका पवन कुमार गुप्तालाई चयन गरिएको छ।

त्यस्तै सदस्यहरुमा धनुषाका अकाश पाण्डे , पर्साका डा. हरिशंकर प्रसाद साह, मुर्तुजा हवारी, सिराहाका अनिल कुमार शर्मा, महोत्तरीका सुनिल कुमार साह, रोशन कुमार सिंह, सर्लाहीका निरज कार्की, बाराका सुभास जयसवाल छन्।

यसअघि शनिवार उद्घाटन सत्रमा जिल्ला समन्वय समिति धनुषाका उपप्रमुख दिपक झाले खेल र खेलाडीको नामले कुनै बेला परिचय बनाउन सफल रहेको प्रदेश २ मा अहिले खेलाड़ी र खेल हराएकोप्रति चिन्ता व्यक्त गरेका थिए।

नेपाल क्रिकेट संघ प्रदेश २ को विशेष साधारणसभालाई सम्बोधन गर्दै उपप्रमुख झाले कुनै बेला राष्ट्रिय रुपमा पहिलो कप्तानको रुपमा उत्तम कर्माचार्य यसै प्रदेशको खेलाड़ी रहेको र क्रिकेटको अन्तर्राष्ट्रिय स्तरमा समेत देशको प्रतिनिधित्व गरेको इतिहासलाई उनले सम्झिए।

उपप्रमुख झाले अहिले प्रदेश २ दैवी प्रकोपको चपेटामा परेको भन्दै खेतीयोग्य जमिन मात्र नभई थुप्रै स्थानमा खेलकूद मैदानसमेत बाढिले बगाएको दाबी गरे।

कमेन्ट गर्नुहोस्
सम्बन्धित

जनकपुरधाम । जनता समाजवादी पार्टी नेपालसहित विभिन्न पार्टी परित्याग गर्दै सयौं जना नेताकार्यकर्ताहरु जनमत पार्टी प्रवेश गरेका छन् । शुक्रबार जनमत पार्टी धनुषाका इन्चार्ज सुरेन्द्र मण्डलको अध्यक्षतामा भएको पार्टी प्रवेश कार्यक्रममा विभिन्न पार्टीका सयौं जना नेताकार्यकर्ताहरु जनमत प्रवेश गरेका हुन् । नवप्रवेशीहरुलाई कार्यक्रमका प्रमुख अतिथिसमेत रहेका जनमत पार्टीका राष्ट्रिय अध्यक्ष डा.सीके राउत खादा र अबिर […]

जनकपुरधाम । मधेश प्रदेशको राजधानी जनकपुरधामस्थित नयाँ सुविधा सम्पन्न होटल कालिका एन्ड रेष्टुरेन्ट सञ्चालनमा आएको छ । जनकपुरधाम उपमहानगरपालिका वडा नम्बर-२ कदमचोकस्थित होटल कालिका एन्ड रेष्टुरेन्ट सञ्चालनमा आएको हो । (सोमबार) विधिवत रूपमा रिबन काटेर होटलको उद्घाटन गरिएको छ । कदमचोकदेखि शिवचोक जाने बाटोमा राजश्री बैंकको अगाडि र सेन्टर मार्टको माथिल्लो तल्लामा रहेको सो रेष्टुरेन्ट सुविधा […]

जनकपुरधाम। धनुषा र सिरहा जोड्ने हुलाकी सडकअन्तर्गत कमला नदीमाथि मोटरेबल पुल निर्माण सुरु भएको १२ वर्ष बितिसक्दा पनि पूरा भएको छैन। तर सोही निर्माणाधीन पुल नजिकै नेपालकै सबैभन्दा लामो ‘कठाल मल्हनिया मल्टिस्पान’ झोलुङ्गे पुल सम्झौता अवधिभन्दा झण्डै छ महिनाअघि सम्पन्न भएको छ। धनुषाको जनकनन्दिनी गाउँपालिका-६ कठाल र सिराहा नगरपालिका-१३ मल्हनिया जोड्ने सो पुल निर्माण सक्नुपर्ने […]