कञ्चनपुर ,३० साउन । कञ्चनपुरको भीमदत्त नगरपालिका १८ का वडाध्यक्षमाथि आक्रमण गर्ने ७ जनालाई नेकपा एमाले जिल्ला कमिटीले कारबाही गरेको छ ।
सोमबार बसेको जिल्ला कमिटीको सचिवालय बैठकले आक्रमणमा संलग्न ७ जनालाई सदस्यसमेत नरहने गरी कारबाही गरेको हो ।
वडाध्यक्ष रविन्द्र देवकोटामाथि आक्रमणमा संलग्न रहेको भन्दै कमल रोकाया, रमेश भट्ट, केशव चन्द, प्रबिन बोगटी, रोहित कुँवर र नवीन चन्दलाई सदस्यसमेत नरहने गरी कारबाही गरिएको हो ।
शनिबार युवा संघको अधिवेशनका क्रममा विवाद हुँदा भीमदत्त नगरपालिका १८ का वडाध्यक्ष रविन्द्र देवकोटामाथि आक्रमण भएको थियो ।
सख्त घाइते भएका देवकोटाको महेन्द्रनगरमा उपचार हुन नसकेपछि धनगढी रिफर गरिएको थियो । धनगढीबाट पनि रिफर गरेर अहिले काठमाडौंमा उनको उपचार भइरहेको छ ।
