०३ साउन २०८१, शुक्रबार
19-07-2024 , Fri
×

जनकपुरधाममा आरती र कविताको ह*त्या*विरुद्व युवाहरुको प्रदर्शन

Logo
न्यूज मधेश प्रकाशित बिहिबार, साउन ३२, २०८०

जनकपुरधाम ,३२ साउन। आरती साह र कबिता यादवको हत्याविरुद्ध आज युवाहरुले जनकपुरधाममा प्रदर्शन गरेका छन् ।

पीडितलाई न्याय दिन प्रशासन आलटाल गरिरहेको भन्दै विभिन्न दलका युवाहरु आज जनकपुरधाममा प्रदर्शन गरेका हुन् । मनिष ठाकुरको अगुवाईमा भएको प्रदर्शनमा युवाहरुले आरती र कविताको हत्यारालाई कडा कारबाही गर, पीडितलाई न्याय देउ, प्रहरी प्रशासन मुर्दाबाद जस्ता नारा लगाएका थिए ।

जनकपुरधाम ९ थापाचोककी २२ वर्षीया आरती साहको गत जेठ ७ गते रहस्यमय मृत्यु भएको थियो । आरतीको हत्या दाईजोको निहुँमा उनकै श्रीमान र ससुराले गरेको भन्दै कर्तव्य ज्यान मुद्दा दर्ता माइती पक्षले गराएका छन् ।

मृतक आरतीका श्रीमान मोतीबाबु साह र ससुरा मदनमोहन साहलाई अदालतले पूर्वपक्षका लागि जेल चलान गरेको छ । तर प्रहरी अधिकारीले आर्थिक प्रलोभनमा परेर मुद्दा कमजोर पार्न खोजेको भन्दै माइती पक्ष दुई महिनादेखि काठमाडौंमा आन्दोलनरत छन् ।

लामो समयदेखि आरतीको माइती पक्षले आन्दोलन गर्दा पनि सरकार बेवास्ता गरेको र प्रहरी उल्टै दमन गरेपछि जनकपुरधामका युवाहरु प्रदर्शनमा उत्रेका हुन् ।

महोत्तरीकी कविताको पनि दाइजोकै निहुंमा हत्या भएको माइती पक्षले आरोप लगाएको छ । उक्त घटनामा पनि संलग्नलाई कडा कारबाही गर्नुपर्ने युवाहरुले माग गरेका छन् ।

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]