१५ चैत्र २०८०, बिहिबार
28-03-2024 , Thu
×

असोज ३ गते संविधान जलाउने थरुहट थारुवानको घोषणा

Logo
प्रकाशित बिहिबार, भाद्र १९, २०७६

धनगढी । असोज ३ गते संविधान जलाउने थरुहट थारुवान राष्ट्रिय मोर्चाले घोषणा गरेका हुन । टीकापुर राष्ट्रिय सम्मेलनबाट गठित मोर्चाका संयोजक लक्ष्मण थारुले घोषणा गरेका छन।

मोर्चाले जिल्ला सम्मेलनमा संविधानको धारा १८, २२, ३२, अनुसुची ४ जलाउने तयारी गरेको थारुले बताए । उनले टीकापुर सस्ममेलन शान्तिपूर्ण तरिकाले सम्पन्न भएको बताउँदै भने “हामी गैरलोकतान्त्रिक विधि अपनाउन चहान्दैनौं, शान्तिपूर्ण आन्दोलन गर्न चहान्छौं ।”

केन्द्रीय संयोजक थारुले भने, “सत्ता पक्ष थारुहरु यो सम्मेलन विथोल्न धेरै प्रयास गरे, धेरै भ्रम छरे जसले गर्दा टीकापुरका धेरै बासिन्दा सम्मेलनको दिन टीकापुर छोडेर बाहिर हिडे थिए ।” उनले थारुहरुको अधिकार प्राप्ति नहुन्जेलसम्म कुनै पार्टीमा प्रबेश नगर्ने बाचा गर्दै थरुहट पहिचानकोलागि १० वर्षसम्म आन्दोलन गर्न तयार रहेको बताए ।

पूर्वसभासद् तथा मोर्चाका केन्द्रीय सल्हकार कृष्णकुमार चौधरी राज्यको दमनसँगै थारुहरुको मुद्धा विरोधीहरुको कारण टीकापुर घटना पश्चात थारुहरु हत्तोत्साहित भएकै हुन् । थारुहरुको मुद्धालाई राष्ट्रिय अन्तरािष्ट्रय स्तरमा स्थापित गर्नकोलागि पुन थारु, यूवा नेता, बुद्धिजीविहरु जुरमुराएका छन् ।

थारुहरु आफ्नो राजनीतिलाई धरापमा राखेर आन्दोलन आउनुपर्छ भन्न खोजेको होईन, तर जो जुन पार्टीमा छ थारुको अवाज त्यहि ठाउँमा बुलन्द गर्न आवश्यक छ । नेपालको ईतिहासमा हरेक मुद्धा तथा पछाडी पारिएकाहरुहरुलाई राज्य सत्ताको मूलधारमा आउन आन्दोलन बाहेकको विकल्प नरहेको बताए ।

त्यस्तै थरुहट नेता मोहन थारुले पार्टी भन्दापनि मुद्धालाई मध्यनजर गरेर सम्पूर्ण थारु एकताबद्ध हुनु जरुरी रहेको बताए । केही थारुहरु राजनीतिकरुपले आफू स्थापित भईसकेका छन् । उहाँहरुको कदर गर्दै अब थारुहरुको पहिचानको लागि आफ्नो पार्टी भित्रपनि थारुहरुको मुद्धाप्रति बहस चलाउन आग्रह गरे ।

राजबन्दी तथा थरुहट नेता राम प्रसाद थारुले थरुहट भूमिमा बसोबास गर्ने थारुहरु पहिचान सहितको आन्दोलनलाई निरन्तरता दिनको लागि मोर्चा गठन भएको छ । २०७२ सालमा थारुहरुको आन्दोलन उत्कृष्टमा पुगिसकेको थियो तर राज्यको घुसपैठमा टीकापुर घटना पश्चात आन्दोलन मत्थर भयो । अब पुन आन्दोलनलाई ब्यूझाउन मोर्चाको जन्म भईसकेको थारुको भनाई छ ।साभार: नेपालपाना

कमेन्ट गर्नुहोस्
सम्बन्धित

काठमाडौँ । जनमत पार्टीले बैशाख १५ गते हुने उपनिर्वाचन अन्तर्गत इलाम-२ मा प्रेमदीप थाम्सुहाङलाई उम्मेदवार बनाउने निर्णय गरेको छ । पहिचानवादीहरूको तर्फबाट थाम्सुहाङ उम्मेदवार बनाउने निर्णय भएको अध्यक्ष डा. सीके राउतले बताए । थाम्सुहाङ किराँत-लिम्बुवान प्रदेश नामांकन अभियानका राष्ट्रिय अध्यक्ष हुन् । जनमतको हालै बसेको केन्द्रीय समितिको बैठकले कोशी प्रदेशमा चलिरहेको पहिचान आन्दोलनको मर्मबमोजिम पहिचानसहितको […]

जनकपुरधाम । गएराति सर्लाहीको चक्रघट्टा गाउँपालिका-३ सुन्द्रपुरबाट एक मोटरसाइकल चोरी भएको छ। स्थानीय रबिन्द्र कुमार पण्डितको घरबाट उनको प्रदेश-०२-००५ प २८६२ नम्बरको टिभिएस कम्पनीका बुल्लु रंगको एप्पाच्ची मोटरसाइकल चोरी भएको हो। एक सय ५० सीसीको सो मोटरसाइकल राति घरबाटै चोरी भएको मोटरसाइकल धनी पण्डितले बताए ।

जनकपुरधाम। मधेशका मुख्यमन्त्री सरोजकुमार यादवले नेकपा एमालेबाट थप तीन मन्त्री नियुक्त गर्दै मन्त्रिपरिषद् विस्तार गरेका छन् । आज शनिबार एमालेका प्रदेशसभा सदस्यहरु सत्रुधन प्रसाद सिंह कोइरी, राजकुमार लेखी र स्वतन्त्र जितेर एमाले प्रवेश गरेका प्रमोद जयसवालले प्रदेश प्रमुख सुमित्रा भण्डारीसमक्ष मन्त्री पदको शपथ लिएका छन् । राजकुमार लेखीले गृह, सञ्चार तथा कानून, शत्रुधन सिंहले स्वास्थ्य […]