काठमाडौं ।नेपाली कांग्रेसका नेता अमरेन्द्र यादव जनमत पार्टीमा प्रवेश गरेका छन् ।
सोमबार बुद्धनगरस्थित जनमत पार्टीका अध्यक्ष डा.सीके राउतलाई भेटेर उनी पार्टी प्रवेश गरेका हुन।
नेता यादवलाई अध्यक्ष डा.राउतले खादा टीका लगाएर पार्टीमा स्वागत गरेको हो।साथै,पार्टीको सदस्यतासमेत नेता यादवलाई अध्यक्ष डा.राउतले प्रदान गरेका छन् ।
सप्तरीको डाक्नेश्वरी नगरपालिका -५ निवासी यादव नेपाली कांग्रेस सप्तरी क्षेत्र नं.३ का महाधिवेशन प्रतिनिधि रहेको थियो।
पार्टी प्रवेश कार्यक्रममा पार्टीका राष्ट्रिय प्रवक्ता डा.शरद सिंह यादव र जनमत सप्तरीका नेताहरुको उपस्थित रहेको जनमत पार्टी केन्द्रिय सचिवालय प्रमुख राजेश मण्डलले बताए ।
