जनकपुरधाम । नेपाल ट्रेड सेन्टर जनकपुरधामका सञ्चालक सोहनलाल मुरारकाले व्यवसायीको कारोबारमा जर्वजस्ती तमसुक बनाउने गरेको पाइएको छ । निर्माण व्यवसायीहरुले कारोबार गर्दा बैंक खाता रोक्का गराएर जर्वजस्ती फर्जी तमसुक बनाउने गरेको हो ।
सुगम निर्माण सेवाका सञ्चालक श्याम साहले मुरारका गुण्डा लगाएर हिसाब नै नगरी तमसुकमा हस्ताक्षर गर्न लगएको आरोप लगाएका छन् । उनले २०७२ सालदेखि मुरारकासंग कारोबार गर्दै आएका थिए । कोरोना महामारीको समय पैसा दिन ढिलो भएपछि बैंक खाता रोक्का गर्न लगाएर आफैले कपाली तमसुकमा हस्ताक्षर गराएको उनले बताए ।
‘उनले आफ्नै घरमा बोलाएर हिसाब नै नगरी तीन करोडको तमसुकमा हस्ताक्षर गराएको छ,’उनले भने, ‘त्यो तमसुकमा लेख्नदास नै छैन्, न साक्षी छ । उ आफैले लेखेर जर्वजस्ती हस्ताक्षर गरायो ।’ सुगमका सञ्चालक श्यामले इमान्दिारी पुर्वक हिसाब जोड्यो भने मुरारकामाथि नै आफनो पैसा चढ्ने बताए ।
यस्तै, अर्का निर्माण व्यवसायीसंग पनि व्यवसायी मुरारकाले जर्वजस्ती ६ करोडको तमसुक बनाएका छन् । व्यवसायीहरु निर्माण सम्बन्धि समाग्री खरिद गर्ने गरेका थिए । एक निर्माण व्यवसायीले एक करोड ४२ लाखको समान लिएर उनले ७० लाख बुझाएको बताउंछन । तर, मुरारकाले आफ्नो निर्माण कम्पनीको बैंक खाता रोक्का गराएर ब्लायकमेल गरेको ती व्यवसायीले बताए ।
‘करोबार गर्दा पैसा दिन ढिलो चाडो हुन्छ । अलकति ढिलो भयो भने बैंक खाता रोक्का गराएर अनाधिकृत रुपमा ६ गुना बढाएर तमसुक बनाउन लगाउछ,’ती व्यवसायीले भने,‘व्यवसायीक कारोबारमा पनि उनले गुण्डा शैलीमा ६ गुना बढाएर तमसुक बनाएको छ ।’ व्यवसायी श्याम साह जस्तै पीडित छन्, पंकज साह पनि । उनीसंग पनि मुरारकाले एक करोडको जर्वजस्ती तमसुक बनाएका छन् । यी सबै जना जिल्ला प्रशासन कार्यालय धनुषामा मुरारकाविरुद्ध अनुचित लेनदेन तथा मिटर व्याज सम्बन्धि निवेदनसमेत दिएका छन् ।
मुरारकासंग अधिकांश निर्माण व्यवसायी पीडित छन् । उनले केही दिन अघि जनकपुरधामका सानु मण्डलको घर जग्गा नै लिलाम गराएका थिए । सानु मण्डल जस्तै कयौं परिवारलाई उनले घरबार नै विहीन बनाएको आरोप छ ।
व्यवसायिक कारोबारमा यसरी व्यवसायीको सम्पत्ती कब्जा गर्न थाल्नु उनको नियति भइसकेको छ । धनुषा प्रहरीले पनि मुरारका विरुद्ध खाशै चासो लिएका छैनन् । मुरारकासंग यस विषयमा प्रतिक्रिया लिन खोज्दा तमसुक बनाएपनि फर्जी रहेको स्वीकार गरे ।
‘हामीहरु बीच पैसाको लेनदेन छैन् । व्यवसायिक कारोबार छ,’उनले भने,‘तर, समान लिएपछि पैसा दिन ढिलो भएपछि आफैले कागजात बनाउछौं । तर, त्यो तमसुक वडामा दार्ता गराइएको छैन् । न कुनैमाथि कारवाही गरेको छु ।’
