जलेश्वर । महोत्तरीको बर्दिवास नगरपालिकामा एक महिलाको बेवारिस अवस्थामा शव फेला परेको छ।बर्दिवास नगरपालिका वडा नं. ८ स्थित बिजय बस्ती टोलमा रहेको नेपाली सेनाको मध्य पुर्वी पृतनाको काली सिद्घि गणभित्र शनिवार एक महिलाको बेवारिस अवस्थामा शव फेला परेको हो।
मृतक महिलाको पहिचान खुल्न सकेका छैन् । अन्दाजी ३५ बर्षिकी ति महिलाको शरीरका बिभिन्न भागमा चोट लागेको देखिन्छ । रत्तश्राव समेत भएको अवस्थामा महिलाको शव शनिवार बिहानै नेपाली सेनाको टोली मोर्निङ वाक जाने क्रममा देखेको थियो।
सेनाले प्रहरीलाई खवर गरेपछि घटना स्थल पुगेर अनुसन्धान सुरु गरिएको बर्दिवास प्रहरीका प्रहरी निरीक्षक असोक कुमार शाहले जानकारी दिए । चोटपटक लागेको देखिएकाले हत्याको आशंका गरिएको छ।शव शंकास्पद हुन सक्ने भएकाले घटनाको अनुसन्धान भैरहेको उनले बताए ।
