महोत्तरी । पैदल यात्रीलाई बचाउने क्रममा एम्बुलेन्स पल्टिदाँ महोत्तरीको बर्दिवासमा एक जनाको ज्यान गएको छ। शनिवार साँझ बर्दिबास वडा नं.४ मा भएको सो दुर्घटनामा भने चार जना गम्भीर घाइते भएको छ। मृत्यु हुनेमा एम्बुलेन्समा सवार स्थानीय ५० बर्षीय तारा बादीको मृत्यु भएको जिल्ला ट्राफिक प्रहरी कार्यालय बर्दिबास महोत्तरीका इन्स्पेक्टर प्रकाशबहादुर सिंहले जानकारी दिएको छ।
प्रहरीका अनुसार दुर्घटनामा बर्दिबासका एम्बुलेन्स चालक चित्रबहादुर बुढाथोकी, मृतकका छोरा उवेश वादी, छोरी गंगा वादी घइते भएका छन् ।
पैदल यात्री धनुषाको मिथिला नगरपालिका वडा नं.४ का रोशा बराइली पनि घाइते भएका हुन । उनको दाहिने खुट्टा भाँचिएको छ । घाइतेको उपचार बर्दिबासस्थित शुभ स्वस्तिक हस्पिटलमा भइरहेको छ ।
घरायसी झगडामा उवेश लगायतका घाइते भएकाहरुलाई लिएर एम्बुलेन्स अस्पताल जादै थिए । झगडाका घाइतेहरुलाई एम्बुलेन्सबाट पु¥याउन लादैं गर्दा एम्बुलेन्स दुर्घटनामा परेको थियो ।
