विराटनगर । विश्व फिजियोथोपी दिवसका अवसरमा स्पार्क नेचुरोपेथी एण्ड फिजियोथेरापी अस्पताल बिराटनगरले निःशुल्क स्वास्थ्य शिविरको आयोजना गरिएको छ।
शिविरमा ५० जना भन्दा बढीको निःशुल्क स्वास्थ्य जाँच गर्नुका साथै निःशुल्क रुपमा औषधि वितरण गरिएको जनाएको छ । अस्पतालमा गर्धनमा समस्या भएका, पक्षघात, मुख बाङ्गिने शरीरको एक वा दुवै भाग नचल्ने, ढाड, कम्मर, गर्धन दुख्ने नसा च्यापिएका, हड्डी खिइएका, वाथ–आर्थराइटिस, घुडा जोर्नीहरु दुख्ने लगायतका बिरामीहरु उपचार गराउन आएको डाक्टर गोविन्द झाले जानकारी दिएको छ।
यता विश्व अन्र्तराष्ट्रिय फिजियोथेरापी दिवसको अवसरमा नेपाल फिजियोथेरापी संघ इस्टर्न च्याप्टरले विराटनगरमा निःशुल्क स्वास्थ्य शिविरको आयोजना गरेको छ । शिविरमा महानगर आसपासका ५७ जना विरामीले सेवा लिएको फिजियोथेरापिष्ट डा. भारती देवले बताए ।
