१२ जेठ २०८१, शनिबार
25-05-2024 , Sat
×

असोज ३ गते संविधान दिवस होईन, कालो दिवस मनाउछु: प्रशान्त झा

Logo
प्रकाशित सोमबार, भाद्र २३, २०७६

जनकपुरधाम।राष्ट्रिय जनता पार्टी नेपालका युवा नेता प्रशान्त झाले असोज ३ गते संविधान दिवस होईन कालो दिवस मनाउछु उनले लेखेको विचार तल राखिएको छ।

बहुमतको आडमा मुलुकको आधी जनसंख्या भएको मधेसीको भावनालाई कुल्चेर तराईमा नेपाली सेना, प्रहरी परिचालन गरी बहुमतको आडमा निर्मित संविधानले सबैको भावना समेट्न सकिदैन तबसम्म हामी संविधान दिवसको दिन कालो दिवस मनाउँदै रहन्छौं ।

मधेसी जनताको बलिदानी र संघर्षका कारण नेपालको अन्तरिक संविधान, २०६३ मा सुनिश्चित भईसकेको अधिकारलाई समेत कटौती गर्दै २०७२ सालमा नेपालको संविधान लेखनको कार्य भईरहेको थियो । त्यतिबेला हामी आफ्नो हक अधिकार सुनिश्चितताका लागि सडकमा संघर्षरत थियौं तर सेना पुलिसले बन्दुकको बलमा हामीलाई दबाउन सफल भए, । फलस्वरुप हामी मधेशी जनताको भावना विपरित संविधान जारी हुनबाट रोक्न असफल भयौँ । त्यसैले अधुरो,अपुरो र विभेदकारी संविधानलाई सर्वस्वीकार्य बनाउनका लागि हामीलाई दुगुणा जोश र उमंगका साथ लडिरहनुपर्छ ।

२०७२ सालमा संविधान निर्माण भईरहेको बेला हामीले यो संविधानमा नयाँ होईन अन्तरिम संविधानले मधेशी जनताको ग्यारेन्टी गरेको अधिकार लेखाउनको हामी सडकमा जिबन मरनको लडाइ लड्दै थियौँ । उता संविधान निर्माणको उत्सवमा काठमाडौँमा दिपावली मनाई रहँदा हाम्रा दाजुभाई खोसिएको अधिकार पुनः प्राप्तिका लागि शान्तिपूर्ण रुपले सडकमा आन्दोलन गरिरहेका थियौँ, जसमा नेपाल प्रहरी र सशस्त्र प्रहरीले हाम्रा दाजुभाइको टाउको र छातीमा गोलि ठोकेर हत्या गर्दै थिए । यो संविधान पुर्णतः बन्दुकको नालमा लादिएको संविधान हो त्यसैले संविधान दिवसको दिन संविधानको बिरोध गरौं ।
नेपाल प्रहरीद्वारा हत्या भएको हाम्रा दाजुभाइको लास लिन सिडियो सँग बिन्ती गर्दै थियौँ, उता काठमाडौंमा मधेस बिरोधि राजनीति दलका नेताहरु फट्ट्का पड्काउदै उत्सव मनाउदै थिए । हाम्रो मधेसको भुमि मधेसी पुत्रको रगतले रंगीएको थिए भने संविधान निर्माणको खुसीमा काठमाडौं रंग अबिरले रंगिएको थिए ।
देशको मुल कानुन भनिने संविधान बहुमतको दम्भ भन्दा नि सबै समुदायको भावनाले निर्माण हुनुपर्ने थियो । तर देशका ठुला राजनीतिक दल गणितीय खेलमा सिङ्गो समुदायलाई नजरअन्दाज गरि असोज ३ गते संविधान जारी गरे र हरेक साल असोज ३ गते सर्बजनिक बिदा दिएर संविधान दिवस मनाउन थाले । तर हामी जून समुदाय सँग जोडिएको छौं, त्यो समुदाय असोज ३ गते काँधमा लास बोकेर दाहसंस्कार गर्न गइरहेको थिए । जून उदेश्यका लागि हाम्रो दर्जनौं दाजुभाइ आफ्ना प्राण गुमाए त्यो उदेश्य पुरा नहुन्जेलसम्म कसरी संविधान दिवस मनाउन सक्छौं ?
हाम्रो बाजेबुवा पनि बराबरीको अधिकारको लागि राज्य सँग लडेकै थिए । हामी पनि यो संविधान निर्माण प्रक्रिया देखि लड्दै आएको छौँ । हामी अधिकार प्राप्तिको लडाइँको अन्तिम निर्णय सम्म पु¥याउन सकेनौँ भने आउने पुस्ताले भएपनि लडेर गुलामीको दस्ता तोड्ने छ ।

लेखक : प्रशान्त झा जनकपुरधाम

कमेन्ट गर्नुहोस्
सम्बन्धित

काठमाडौं । मुलुकले भुक्तान गर्न बाँकी सार्वजनिक ऋण करिब रु २४ खर्ब रहेको सार्वजनिक ऋण व्यवस्थापन कार्यालयले जनाएको छ । साथै चालु आर्थिक वर्षको १० महिनामा रु ९८ अर्ब ऋण थपिएको छ । यो चालु आवको १० महिनाको भुक्तानी गर्न बाँकी सार्वजनिक ऋण हो । “चालु आर्थिक वर्ष २०८०/८१ को सुरुमा कूल सार्वजनिक ऋण रु […]

जनकपुरधाम । सरकारी, गैरसरकारी संस्थाको जागिर छाडेर पाँच जना युवा मिलेर एउटा मात्र गाई किनेर सुरु गरेको व्यवसायबाट अहिले करोडौँको कारोबार भइरहेको छ । यसरी जागिर छोडेर तत्काल बेरोजगार भएका युवाले गाई किन्दा घरपरिवारबाट असहयोग मात्र होइन सबैले पागल भइस् भन्थे । तर पनि दह्रो विश्वास, दृढ सङ्कल्पका साथ २०६९ मा ७२ हजार रुपियाँमा किनेको गाईको नाम […]

जनकपुरधाम । डा.सीके राउत नेतृत्वको जनमत पार्टीमा आफ्नो अधिकार प्राप्तिका लागि दर्जनौं महिलाहरु पार्टी प्रवेश गरेकी छिन् । शहिदनगर नगरपालिका-५ हरबरामा आयोजित एक कार्यक्रमबीच नेपाल कम्युनिस्ट पार्टी (एकीकृत समाजवादी) की नगर सदस्य शिला देवी मण्डल ,नेकपा एमालेकी अमृती कुमारी मण्डल ,दुलारी देवी शर्मा,आशा मण्डलले प्रवेश गरेको विद्यार्थी जनमत संघ धनुषा अध्यक्ष बिरेन्द्र यादवले बताए । […]