राजविराज।मधेश प्रदेशका शिक्षा तथा समाज कल्याण मन्त्री महेश प्रसाद यादवले मधेश सरकारले किसानका लागि नीतिगत कार्यक्रम ल्याएर अघि बढ्ने प्रतिबद्धता व्यक्त गरेका छन्।
राष्ट्रिय कृषक समूह महासंघ सप्तरीले शनिवार आयोजना गरेको कृषि ज्ञान केन्द्र सप्तरीका प्रमुख राजेन्द्र प्रसाद यादवको सम्मान तथा बिदाई समारोहमा उनले उत्पादन लागत पनि उठने गरी मूल्य नपाएपछि किसानहरु निराश भएको बताए । उनले यसप्रति सरकारले किसानका लागि नीतिगत कार्यक्रम ल्याएर अघि बढ्ने प्रतिबद्धता व्यक्त गरेका हुन।
विगतको प्रदेश सरकारले नयाँ अनुभवको रुपमा व्यवस्थापकीय काममा नै बढी समय बिताउनु परेको बताउँदै मन्त्री यादवले आफूहरुको दोश्रो कार्यकालको सरकारले किसानका लागि नीतिगत कार्यक्रम ल्याएर अघि बढ्ने प्रतिबद्धता व्यक्त गरे ।
मधेशका जिल्लामध्ये कृषिमा उत्कृष्ट कार्य गरेर पनि कम बजेट पाएको प्रति आफ्नो ध्यानाकर्षण भएको बताउँदै उनले अब सप्तरीका कृषि क्षेत्रमा पनि उचित बजेटका लागि आफूले पहल गर्ने बताए ।
कार्यक्रममा आफ्नो कार्यकालमा देखाएको कुशलता वापत सेवानिवृत कार्यालय प्रमुख यादवलाई मन्त्री यादवले दोसल्ला तथा सम्मान गरेका थिए ।
कदरपत्रबाट समारोहमा महासंघका केन्द्रीय उपाध्यक्ष अमिरलाल यादव, केन्द्रीय सदस्य सुमित्रा चौधरी, महासंघको मधेश प्रदेश सचिव भूपेन्द्र प्रसाद यादव, जसपा नेता लक्ष्मण यादवलगायतको उपस्थिति रहेको थियो ।
