०४ साउन २०८१, शनिबार
20-07-2024 , Sat
×

मुख्यमन्त्री यादवले एकलौटी निर्णय गर्दै शिक्षा तथा समाज कल्याण मन्त्रालय फुटायो

सरकार छाड्ने जनमतको चेतावनी
Logo
न्यूज मधेश प्रकाशित शुक्रबार, आश्विन १९, २०८०

जनकपुरधाम। मधेश सरकारका मुख्यमन्त्री सरोज कुमार यादवले एकल निर्णय गर्दै मन्त्रालय फुटाएको छ।जनमत पार्टीको भागमा परेको शिक्षा तथा समाज कल्याण मन्त्रालयलाई मुख्यमन्त्री यादवले एकल निर्णय गर्दै फुटाउने कार्य गरेको छ।

शिक्षा तथा समाज कल्याण मन्त्रालयलाई फुटाएर खेलकुद तथा समाज कल्याण मन्त्रालय बनाएको छ।भने,अर्को शिक्षा तथा सांस्कृतिक मन्त्रालय नाम दिएको छ।

जसबाट मधेस प्रदेशको मुख्यमन्त्री कार्यालयमा जिम्मेवारीविहीन अवस्थामा रहेकी जसपाकी विना विभागीय मन्त्री सुरिताकुमारी साहलाई खेलकुद तथा समाज कल्याण मन्त्रालयको जिम्मेवारी दिइएको छ ।

बुधबार मुख्यमन्त्री यादवले एकलौटी निर्णय गर्दै उनलाई जिम्मेवारी तोकेको प्रदेश प्रमुखको कार्यालयका पत्र पठाएको स्रोत दावी गरेका छ।

मन्त्रिपरिषद् कार्यलयले सिफारिस गरे पनि अधिकारीक जिम्मेवारी भने प्राप्त नभएको प्रदेश प्रमुखको निमित्त सचिव शत्रुधन यादवले जानकारी दिएका छन् ।

उनले भने, ‘प्रदेश प्रमुख काम विशेषले विराटनगर जानुभएको छ । उहाँ भोलि साँझसम्म आउनुहुन्छ अनि विज्ञप्ति निकालेपछि अधिकारीक रूपमा उहाँले पदभार ग्रहण गर्नुहुनेछ ।’मन्त्री साहले शपथ ग्रहण गरिसकेको हुनाले प्रदेश प्रमुखले विज्ञप्ति निकालेपछि उनले एकैचोटी पदभार ग्रहण गर्ने निमित्त सचिव यादवले जानकारी दिए ।

यस्तै शिक्षा तथा समाज कल्याण मन्त्रालयको जिम्मेवारी सम्हालिरहेका मन्त्री महेशप्रसाद यादवलाई शिक्षा तथा संस्कृति मन्त्रालयको जिम्मेवारी दिइएको छ । मन्त्रालय फुटाएर उनलाई सो जिम्मेवारी दिइएको हो ।

सचिव यादवले भने,– ‘हिजै विज्ञप्ति जारी भइसक्थ्यो तर सिफारिस पत्र ढिलो गरी आएपछि विज्ञप्ति प्रकाशन भएन ।’ जनमत पार्टी मधेस प्रदेश दलका नेता समेत रहेका मन्त्री यादवले भने कुनै छलफल नै नगरी मन्त्रालय फोडिएकोप्रति आपत्ति जनाएका छन् ।

उनले भने– ‘मुख्यमन्त्री कार्यालयबाट मन्त्रालय फोड्न प्रदेश प्रमुखको कार्यालयमा सिफारिस गइसकेको छ । तर, प्रमाणीकरण अहिलेसम्म भएको छैन । मन्त्रिपरिषद्बाट समेत निर्णय भएको छैन ।मुख्यमन्त्री सरोज कुमार यादवले एकल निर्णय गरेर मन्त्रालय फुटाउने खेल गरेको छ।न त कसैलाई जानकारी दिएको छ।नत गठबन्धनमा आबद्ध भएको दलहरूसंग कुनै छलफल गरेको मन्त्री यादवले भने।

मन्त्री यादवले अब मन्त्रालय न बढाउने र न फुटाउने पटकपटक मुख्यमन्त्री यादवले आफै मुखबाट बोल्दैं आइरहेको सबैलाई अवगत नै छ। तर,पावरको दुरुपयोग गर्दै मन्त्रालय फुटाउने एकल निर्णयको हामी स्वीकार गर्दैनन् ,छ्लफलमा ल्याउनुपर्छ ।छ्लफल नगरिकन मन्त्रालय फुटाउने जुन खेलमा मुख्यमन्त्री लागेको यो जनताको मतको अपमान गरेको हो ।यदि त्यो सिफारिस प्रमाणीकरण भयो भने सरकार छोड्ने सम्मको निर्णय गर्न बाध्य हुन्छौँ ।’

प्रदेश प्रमुखले भाेली मन्त्रालय फोड्ने सिफारिस प्रमाणीकरण गरे मधेस प्रदेशमा मन्त्रालयको संख्या १२ पुग्नेछ ।

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]