०४ साउन २०८१, शनिबार
20-07-2024 , Sat
×

मधेश प्रदेश : मुख्यमन्त्रीले चोर बाटोबाट मन्त्रालय फुटाएकोमा गठबन्धनकै ५ दलको आपत्ति

Logo
न्यूज मधेश प्रकाशित मंगलबार, आश्विन २३, २०८०

जनकपुरधाम । मधेश प्रदेशका मुख्यमन्त्री सरोज कुमार यादवले मन्त्रालय फुटाएर जनता समाजवादी पार्टी (जसपा)की सांसद सुरिता साहलाई व्यवस्थापन गरेकोमा सत्ता गठबन्धनका ५ दल असन्तुष्ट बनेको छ ।

मुख्यमन्त्री यादवले चार दिन अगाडी शिक्षा तथा समाज कल्याण मन्त्रालय फुटाएका थिए । एकलौटी निर्णय गरी मन्त्रालय फोडेर मुख्यमन्त्री भारत पुगेका छन् । उनी भारत पुगिसकेपछि मात्र मन्त्रिपरिषद् पुनर्गठन गरेको विज्ञप्ति प्रदेश प्रमुखको कार्यालयले जारी गर्‍यो ।

जनमत पार्टीका संसदीय दलका नेता महेश प्रसाद यादवले सम्हालेको शिक्षा तथा समाज कल्याण मन्त्रालय फोडेर मुख्यमन्त्री यादवले खेलकुद तथा समाज कल्याण मन्त्रालय र शिक्षा तथा संस्कृति मन्त्रालय बनाएका छन् ।

चार महिनादेखि बिना विभागीय मन्त्री रहेकी साहलाई खेलकुद तथा समाज कल्याण र मन्त्री यादवलाई शिक्षा तथा संस्कृति मन्त्रालयको जिम्मेवारी तोकिएको छ । मन्त्री यादव भने नयाँ मन्त्रालय सम्हाल्ने पक्षमा छैनन् ।

यो प्रदेशमा छ दलीय गठबन्धनको सरकार छ । जसको नेतृत्व जसपाले लिएको छ । मुख्यमन्त्री जसपाको रहेकाले सांसद साहलाई पार्टीमा टिकाउनकै लागि मन्त्रालय फोडेको उनीमाथि आरोप छ ।

ज्ञात रहोस् स्वतन्त्रबाट जितेर सांसद साह जसपामा प्रवेश गरेकी छन् । सुरुमा उनलाई सामाजिक विकास मन्त्रालय दिइयो । तर गठबन्धनको भागबन्डा मिलाउन उक्त मन्त्रालयबाट साहलाई हटाएर बिना विभागीय बनाइयो । त्यसपछि उनले मन्त्रालय नदिए पार्टी छाड्ने धम्की दिएपछि मन्त्रालय फोडेर भए पनि उनलाई व्यवस्थापन गरिएको छ ।

पार्टीमा सांसदलाई टिकाउन मुख्यमन्त्रीले मन्त्रालय फोडेकोमा गठबन्धनमा रहेका ५ दल अब के गर्ने विषयमा छलफल थालेका छन् । सोमवार जसपा बाहेक ५ दलका संसदीय दलका नेताहरू मधेश भवनमा बैठक गरेको स्रोतले जनाएको छ ।

बैठकमा नेपाली कांग्रेस मधेश प्रदेश संसदीय दलका नेता कृष्णा यादव, नेकपा माओवादी केन्द्रका प्रदेश संसदीय दलका उपनेता युवराज भट्टराई, नेकपा एस प्रदेश संसदीय दलका प्रमुख सचेतक कनिस पटेल, लोसपा प्रदेश संसदीय दलका नेता अभिराम शर्मा र जनमत पार्टी प्रदेशका संसदीय दलका नेता महेश प्रसाद यादव सहभागी थिए ।

मुख्यमन्त्री यादवले मन्त्रालय फोडेपछि प्रदेशमा जसपा एक्लिएको छ । ५ दलको बैठकले ‘मुख्यमन्त्री यादव चोर बाटोबाट मन्त्रालय फोडेको’ ठहर गरेको छ । बैठकमा सहभागी नेताहरूले मुख्यमन्त्रीले गरेको मनपरीबारे केन्द्रीय नेतृत्वलाई ध्यानाकर्षण गराउने निर्णय गरेको बुझिएको छ ।

बैठकमा सहभागी एक नेताले भने, ‘प्रदेशमा काम शून्य छ । जनता प्रदेश सरकारको अनुभूति गर्न पाएका छैनन् । तर मुख्यमन्त्री यादव गैरजिम्मेवार काम गरिरहेका छन् । यसमा हाम्रो आपत्ति छ । यो विषयमा छलफलकै लागि बैठक बसेको थियो ।’

‘मन्त्रालय नै फुटाउनु पर्थ्यो भने कम्तीमा गठबन्धन वा मन्त्रिपरिषद्को बैठकमा प्रस्ताव ल्याउनुपर्थ्यो’, उनले भने, ‘कसैलाई जानकारी छैन । तर चोर बाटोबाट मन्त्रालय फोडियो । पार्टी बनाउनका लागि त उहाँलाई मुख्यमन्त्री बनाएका छैनौँ ।’

मुख्यमन्त्री नसच्चिए ठोस निर्णय लिने उनको भनाई थियो ।

कमेन्ट गर्नुहोस्
सम्बन्धित

काठमाडौं । जनमत पार्टीले प्रधानमन्त्री केपी शर्मा ओलीलाई विश्वासको मत दिने निर्णय गरेको छ। पार्टीको आजको बैठकले प्रधानमन्त्रीलाई विश्वासको मत दिने निर्णय गरेको सो पार्टीका प्रवक्ता डा. शरदसिंह यादवले जानकारी दिए। उनका अनुसार नेपाली कांग्रेस र नेपाल कम्युनिष्ट पार्टी (एमाले) बीच भएको साझेदारीमा गठन भएको वर्तमान सरकारले मधेस प्रदेशमा आफ्नो पार्टी नेतृत्वको सरकारलाई समर्थन गरेकाले […]

जनकपुरधाम । मधेश प्रदेशका नवनियुक्त श्रम तथा यातायात मन्त्री कौशलकिशोर राय यादवले प्रदेश सरकारको मुख्य प्रशासनिक केन्द्र मधेश भवनस्थित श्रम तथा यातायात मन्त्रालयमा पुगी कार्यभार ग्रहण गरेका छन् । कार्यभार सम्हालेलगत्तै मन्त्री यादवले अटोमेटेड ड्राइभिङ टेस्ट ट्रयाक सञ्चालन गर्ने पहिलो निर्णय गरेका छन् । मधेश प्रदेशका यातायात व्यवस्था कार्यालयहरूमा म्यानुअल तबरबाट चालक प्रमाणपत्रका लागि परीक्षा […]

जनकपुरधाम । दुर्घटनामा दर्जनौले ज्यान गुमाइ सकेको जनकपुर ढल्केवर सडक खण्डको बसही पुल यथाशिघ्र निर्माण गर्न माग गर्दै जनमत पार्टी मिथिला नगरपालिकाको नगर कार्य समितिले मधेश प्रदेशका मुख्यमन्त्रीलाई शुक्रवार ध्यानाकर्षण पत्र बुझाएको छ । मिथिला नगरपालिका वडा नं. २ र ६ को सिमानामा पर्ने बसही खोलाको सो पुलमा सवारी दुर्घटनामा परि दर्जर्नौ व्यक्तिको ज्यान गईसकेकोले […]