०२ साउन २०८१, बिहिबार
18-07-2024 , Thu
×

जनकपुरमा सामाजिक सद्भावका लागि दाहा मेला

Logo
प्रकाशित मंगलबार, भाद्र २४, २०७६

जनकपुरधाम । समाजिक सद्भावका लागि दाहा मेलाको आयोजना गरेको छ।मुसलमान समुदायले मनाउने दाहा मेला जनकपुरमा हिन्दुहरुले आयोजना गरेको छ । जनकपुरधाम उपमहानगरपालिका १३ कवर्ड हलको खेल मैदानमा सोमबारबाट मेला लागेको हो । मेलाको आयोजना स्थानीय राजकुमार साहको सल्लाहमा स्थानीयले गरेको जानकारी दिएको छ ।

मेला व्यवस्थापनको जिम्मेवारी वडाध्यक्ष शुभनारायण मण्डलले पाएका हुन् । मेला भव्य र सभ्य बनाउन विभिन्न उपसमितिहरु समेत बनाएको छ । करिब १ सय १५ फिट लामो दाहा बनाएपछि सबैको आकर्षण बनेको देखिन्छ । उक्त रंगिजंगी दाहा बनाउन करिब २ महिना लागेको छ भने करिब १२ लाख खर्च भएको जनाएको छ ।

दाहा मेला मुस्लिम समुदायले मनाउने चलन छ । ईस्लाम धर्मावलम्वीले प्रवर्तक मोहम्मद पैगम्बरका नाती शहिद हजरतको सम्झनामा दाहा मेलाको आयोजना गर्ने गरेको मौलानाहरु बताउँछन् । तर यहाँ हिन्दुहरुले यो मेलाको आयोजना गरेपछि सद्भाव बढ्ने विश्वास आयोजकको छ ।

मेला भव्य बनाउन लोपोन्मुख कुस्तीसहितका विभिन्न प्रकारको खेलकूल, सांस्कृतिक कार्यक्रम, रामहिलोरा समेत मेलामा छ । सोमबारबाट सुरु भएको यो मेला एक सप्ताह सम्म लाग्ने आयोजकले बताए।

कमेन्ट गर्नुहोस्
सम्बन्धित

काठमाडौं । ईयूको सहयोगमा क्रिएसन नेपालले ‘ग्रीनसिफ्ट एम्बेस्डर’ छनौटका लागि फारम आव्हान गरेको छ । ग्रीनसिफ्ट परियोजना अन्तर्गत वातावरण संरक्षण प्रति युवाहरुलाई सचेतना जगाउनका लागि ‘ग्रीनसिफ्ट एम्बेस्डर’ छनौटका लागि फारम आव्हान गरिएको हो । ईयूको सहयोगमा सञ्चालित ग्रीनसिफ्ट नेपाल परियोजनाको लक्ष्य र उद्देश्यहरू हासिल गर्न वृहत युवा संलग्नतालाई प्रवद्र्धन गर्नका लागि ‘ग्रीनसिफ्ट एम्बेस्डर’ एक महत्वपूर्ण […]

चितवन । चितवनमा एक वर्षको अवधिमा सवारी दुर्घटनामा परी एक सय १५ जनाको मृत्यु भएको छ । विसं २०८० साउनदेखि २०८१ असारसम्म उक्त मानवीय क्षति भएको हो । जिल्लाका भित्री सडकमा भन्दा राजमार्गमा भएका दुर्घटनामा परी बढी मानवीय क्षति भएको हो । दुर्घटनामा परी मृत्यु हुनेमा ९२ पुरुष, १९ महिला र चार बालक रहेका छन् […]

काठमाडौँ । काठमाडौँको उत्तरी भेगस्थित शेषनारायण मन्दिरमा आज बिहानैदेखि दर्शनार्थीको घुइँचो लागेको छ । दक्षिणकाली नगरपालिकाको फर्पिङमा पर्ने उक्त मन्दिरमा प्रत्येक वर्ष असार शुक्ल एकादशीका दिन मेला लाग्छ । यहाँ आउने भक्तजनलाई व्यवस्थित गर्न स्थानीय जनप्रतिनिधि र सुरक्षाकर्मी खटिएका छ्न् । काठमाडौँ उपत्यकाका चार नारायणमध्ये शेषनारायण मन्दिरलाई एक महत्त्वपूर्ण तीर्थस्थलका रूपमा लिइन्छ । असार शुक्ल […]