जनकपुरधाम । धनषाको गणेशमान चारनाथ नगरपालिकामा मेयर रामबाबु यादवले एकलौटी ढंगबाट योजना छनोट गरेको भन्दै स्थानीय र प्रहरी विच घम्साघम्सी भएको हो।
मंगलबार विवाद भएपछि उपमेयर यादवले नगरपालिकामा तालाबन्दी गर्न पुगेकी थिइन्। तर प्रहरीले कार्यालयमा तालाबन्दी गर्न रोक लगाएको स्थानीयले बताए ।तालाबन्दी गर्न खोज्दा प्रहरीसँग केहिबेर घम्साघम्सी समेत भएको भएको थियो ।
किसानका लागि बजेट विनियोजन नगरेकाले नगरपालिकामा ताला लगाउन खोज्दा प्रमुख यादबले प्रहरी लगाएर तनाव सिर्जना गरेको उपप्रमुख यादवले न्युज मधेशसंग कुराकानी गर्दै उनले प्रमुखले पावरको दुरुपयोग गरेको आरोप समेत लगाएकी छिन्। उनले भनिन्, ‘प्रमुखले बलजफ्ती गर्छन्। विरोध गर्दा प्रहरीको प्रयोग गर्छन्।’ उपप्रमुख यादवले योजना तर्जुमाको बैठक नै बस्न नदिएर कार्यपालिका बैठकबाट योजना ल्याएको आरोप समेत लगाए । उनले प्रश्न गरिन्, ‘योजना तर्जुमा बैठकबाट योजना बन्नुपर्ने हो। तर प्रमुखले कार्यपालिका बैठकबाट योजना ल्याएर नगरसभाको बैठक भोलिका लागि बोलाएको छ।’ उनले नगरसभा गर्न नदिने समेत चेतावनी दिएका छन् ।
यता, प्रमुख यादबले यहाँ रहेको एउटा साना किसान बैंकका लागि २० लाख बजेट विनियोजन गर्न उपप्रमुखले दबाब दिएको र कानूनले बजेट दिन नमिल्ने बताएपछि तालाबन्दी गर्न खोजेको प्रतिक्रिया दिए । उनले नगर कार्यपालिकाको बैठकमै सबै वडाध्यक्षले योजना पेश गरेको बताए । उनले नगर कार्यपालिका सदस्य २१ जना रहेकोमा १९ जनाले समर्थन जनाएको समेत जनाकारी दिएको छ।
