०८ चैत्र २०८१, आइतबार
23-03-2025 , Sun
×

भूकम्प प्रभावित क्षेत्रमा डा.सीके राउत, पीडितलाई भेट्दै राहत बाँड्दै

Logo
न्यूज मधेश प्रकाशित आइतबार, मंसिर १०, २०८०

जनकपुरधाम । जनमत पार्टीका राष्ट्रिय अध्यक्ष डा.सीके राउत भूकम्प प्रभावित क्षेत्र जाजरकोट पुगेका छन् । संसदीय विकास पूर्वाधार समितिका सदस्यसमेत रहेका डा. राउत आइतबार बिहान भूकम्प पीडितहरुको अवस्था बुझ्न जाजरकोटको भेरी गाउँपालिका पुगेका हुन् ।

अध्यक्ष राउतले भूकम्पबाट अति प्रभावित घरपरिवारलाई ब्ल्याङ्केट वितरण गरेका छन् । भेरी गाउँपालिकाको वडा नम्बर १ मा उनले करिब दुई सय घरपरिवारलाई ब्ल्याङ्केट वितरण गरेको जनमत पार्टीका प्रवक्ता डा. शरद यादवले जानकारी दिए ।

उनका अनुसार भूकम्प पीडितहरुको जीवनस्तर, पुनर्निर्माण लगायतको समग्र अवस्थाबारे बुझ्न अध्यक्ष राउत जाजरकोट पुगेका हुन् । विपद्मा परेकाहरुलाई दुःखमा साथ दिन र उनीहरुको समस्या बुझेर समाधानका लागि सरकारलाई ध्यानाकर्षण गराउन राउत त्यहाँ पुगेको यादवले बताए ।

अध्यक्ष डा. राउत भूकम्प प्रभावित क्षेत्रमा पुग्दा भूकम्प पीडितहरु आश्चर्यचकित भएको पार्टीका प्रवक्ता डा. यादव बताउँछन् । मधेसवादी दलको नेता भनेर चिनिए पनि पहाडी क्षेत्रमा नागरिकलाई परेको समस्याप्रति सहानुभूति जनाउन आएकोमा स्थानीयवासी चकित भएको उनको भनाइ थियो ।

यादवका अनुसार अध्यक्ष राउत दुई दिन भूकम्प प्रभावित क्षेत्रमा रहनेछन् । राउतले सोमबार पनि प्रभावित क्षेत्रमा पुगेर राहत वितरण गर्ने यादवले जानकारी दिए ।

कमेन्ट गर्नुहोस्
सम्बन्धित

सिराहा : औरही गाउँपालिका सिराहामा महायज्ञको नाममा स्थानिय दलित समुदायका परिवारलाई उठिबास गराएको समाचार बाहिरिए पछि सर्वत्र चर्चाको विषय बनेको छ। हिजो बिहीवार कान्तिपुर पत्रिकामा समाचार सम्प्रेषण भए पछि संसद भवनमा एक पछि अर्को गरी लगभग १३/१४ जना सांसदहरुले घटनामा सँगलग्न व्यक्तीहरुलाई कारवाही गर्न माग गरे। लगत्तै राष्ट्रिय मानव अधिकार आयोग , दलित आयोग बाट […]

सिराहा, दिपेन्द्र यादव: सिराहाको बढियारपट्टि गाउँपालिका वडा नम्बर ४ सोपुरस्थित श्री बराकी आधारभूत विद्यालयमा ९ कोठे भवन जनमत पार्टीकी प्रतिनिधि सभा सांसद माननीय विनिता कुमारी सिंह ज्यूद्वारा शिलानास भएको छ। सहरी विकास मन्त्रालयको सहरी विकास तथा भवन निर्माण विभाग अन्तरगत सघन सहरी भवन निर्माण आयोजना सप्तरीबाट सञ्चालन हुने उक्त आयोजना करिब ५२ लाखमा टेन्डर लागेको […]

जनकपुर: सत्तारूढ जनमत पार्टीका मधेश प्रदेश सांसद शम्भु साहले हाम्रो राजनीति स्कुलिङ् ललिता निवास काण्ड , वाईडवडी काण्ड , भुटानी शरणार्थी काण्ड , सुन काण्ड गर्ने जस्ता नेताहरुबाट नभएको बताएका छन्। शुक्रबार बसेको प्रदेश सभा बैठकमा बोल्दै सांसद साहले काङ्ग्रेस नेता तथा संसदीय दलका नेता मा. कृष्णा यादवलाई जवाफ तेर्साएका थिए । उनी अस्ति बसेको […]