जनकपुरधाम । जनमत पार्टीले कमला नदीमा वर्षेनी लाग्ने देवता मेलाका भक्तजनलाई निशुल्क स्वास्थ उपचार गरेको छ।
धनुषा जिल्लाको शहीदनगर नगरपालिका १ बेमरखीको रामघाटमा आयोजित निशुल्क स्वास्थ्य शिविरमा सयौं भक्तजनको उपचार गरिएको विद्यार्थी जनमत संघ धनुषाका अध्यक्ष विरेन्द्र यादवले बताए।
शिविर संचालनमा सहयोग गरेका सम्पूर्ण स्वास्थ्यकर्मी एवं साधुसन्तहरुलाई जनमत पार्टीका राष्ट्रिय सचिव एवं प्रमुख अतिथी बीपी साह र मधेश प्रदेश समिति सदस्य रामपुकार यादवले सम्मान गरेका छन्।
सिटिमेड पोलिक्लिनिक एण्ड डाइगोष्टिक सेन्टरको सहयोगमा संचालित शिविर आयोजक, प्रहरी, सुरक्षाकर्मी, १ महिनादेखि कमला नदी छेउमा बस्दै अएको बाबालगायत सम्पुर्णलाई सम्मान पत्र खादा ओढाई सम्मान गरिएको हो।
