काठमाडौं । जनमत पार्टीले वडा कमिटीदेखि प्रदेश कमिटीसम्मको अधिवेशनको घोषणा गरेको छ ।
पार्टीका राष्ट्रिय सचिव बीपी साहका अनुसार पार्टीको सचिवालय बैठकले वडादेखि प्रदेश कमिटीको अधिवेशन गर्ने निर्णय अनुसार अधिवेशन तालिका सार्वजनिक गरिएको हो ।
जनमतको अधिवेशन तालिका अनुसार मंसिर १५ गतेदेखि माघ १५ गतेसम्म वडा अधिवेशनको समय तोकिएको छ । जसका लागि प्रत्येक वडामा पर्यवेक्षक खटाइदैछ ।
सचिव साहका अनुसार वडा अधिवेशन पश्चात माघ १५ देखि फागुन १५ गतेसम्म पालिका अधिवेशन र चैत्र ३ गते एकै साथ सबै जिल्ला अधिवेशनको घोषणा गरिएको छ ।
२०८१ बैशाख २४ गतेदेखि ३० गतेसम्म प्रदेश अधिवेशनहरुको कार्यक्रम रहेको उनले जानकारी दिए । डा.सीके राउतको नेतृत्वमा जनमत पार्टी स्थापना भएपछि पार्टीले दोस्रो अधिवेशनतर्फ लागेको हो ।
अधिवेशन पश्चात पार्टी थप बलियो भएर जाने विश्वासका साथ अधिवेशन आह्वान गरिएको उनले बताए ।
