२८ आषाढ २०८१, शुक्रबार
12-07-2024 , Fri
×

बाँके र बर्दियाका उद्योगी व्यवसायी आन्दोलित

Logo
सिराज खान प्रकाशित शुक्रबार, मंसिर २२, २०८०

नेपालगन्ज। बैंक तथा वित्तीय संस्थाले सास्ती दिएको भन्दै बाँके र बर्दियाका १३ वटा उद्योग वाणिज्य संघहरुले संयुक्त आन्दोलन घोषणा गरेका छन् ।

नेपालगन्ज उद्योग वाणिज्य संघको अगुवाईमा नेपालगन्जमा आयोजना गरिएको वृहत भेला र अन्तरक्रियापछि नेपालगन्ज उद्योग वाणिज्य संघका अध्यक्ष टंक धामीको संयोजकत्वमा एक हजार एघार सदस्यीय संघर्ष समिति गठन गरिएको हो ।

नेपालगन्ज उद्योग वाणिज्य संघका अध्यक्ष धामीले दिनुभएको जानकारी अनुसार संघर्ष समितिको संरक्षकमा नेपाल उद्योग वाणिज्य महासंघका केन्द्रिय सदस्य अब्दुल वाहिद मन्सुरी रहनुभएको छ भने सदस्य सचिवमा नेपालगन्ज उद्योग वाणिज्य संघका महासचिव भीमबहादुर रानाभाट रहनुभएको छ । समितिको सचिवालय ४१ सदस्यीय छ ।

नेपाल सरकारको अव्यवहारिक कर नीति, बैंक तथा वित्तीय संस्थाको मनोमानी तथा खुला सिमानाको असरबाट उद्योगी व्यवसायीहरुले भोग्नपरेका समस्या समाधान गर्ने उद्देश्यले आयोजना गरिएको कार्यक्रममा बाँके र बर्दियाका १३ उद्योग वाणिज्य संघका अध्यक्षहरुको उपस्थिति थियो ।

कार्यक्रममा नेपाल घरेलु तथा साना उद्योग महासंघ बाँकेका अध्यक्ष मधु खड्का, बर्दिया उद्योग वाणिज्य संघ राजापुरका अध्यक्ष केदार थापा, गुलरिया उद्योग वाणिज्य संघका अध्यक्ष देवेन्द्र पाण्डे, कोहलपुर उद्योग वाणिज्य संघका अध्यक्ष लक्ष्मणराज पौडेल, बढैयाताल उद्योग वाणिज्य संघका अध्यक्ष बालकृष्ण लामिछाने, मधुवन उद्योग वाणिज्य संघका अध्यक्ष दुर्गा रिमाल, बाँसगढी उद्योग वाणिज्य संघका अध्यक्ष बद्री बराल, बारबर्दिया उद्योग वाणिज्य संघका अध्यक्ष नमराज पौडेल, ठाकुरबाबा उद्योग वाणिज्य संघका अध्यक्ष गोविन्द प्रसाद आचार्य, गेरुवा उद्योग वाणिज्य संघका अध्यक्ष भिम बहादुर धामी, राप्तीसोनारी उद्योग वाणिज्य संघका अध्यक्ष टिकाराम ढुंगाना र व्यवसायिक सरोकार मञ्च बाँकेका अध्यक्ष देवानन्द अर्यालको सहभागिता थियो ।

गठन गरिएको संर्घष समितिमा दुवै जिल्लाका विभिन्न उद्योगी व्यवसायीहरुको संस्थाका अध्यक्ष र अगुवा उद्योगी व्यवसायीलाई समावेश गरिएको नेपालगन्ज उद्योग वाणिज्य संघका महासचिव भिम रानाभाटले बताउनुभयो । उहाँले संघर्ष समितिका कर्णाली र सुदुरपश्चिमका उद्योगी व्यवसायीलाई पनि समेटिने योजना रहेको बताउनुभयो ।

अव्यवहारिक कर नीति, बैंक तथा वित्तीय संस्थाको मनोमानी तथा खुला सिमानाको असरबाट उद्योगी व्यवसायीहरुले भोग्न परेका समस्या समाधान गराउन गरिने आन्दोलनका कार्यक्रम एकदुई दिनमै तय गरेर आन्दोलन शुरु गरिने समितिका संयोजक नेपालगन्ज उद्योग वाणिज्य संघका अध्यक्ष धामीले बताउनुभयो ।

कमेन्ट गर्नुहोस्
सम्बन्धित

सिरहा । सिरहा र सप्तरीको सिमानामा बग्ने बलान नदीको बस्तीमा पस्ने गरेको छ । चुरे मूल भएको यो नदीमा सर्रे, खुट्टी र मुतनी, झिझिर, चहकालगाएतका सानाठूला खोला मिसिन्छन् । वर्षातमा नदी आसपासका सिरहा र सप्तरीका कयौँ बस्ती डुबानमा पर्ने गरेका छन् । “जमिनको लालपुर्जा छ, तर जमिन छैन । दशकौँदेखि गरिखाने जमिन बाढीले बगायो”, लहान […]

जनकपुरधाम । मुख्यमन्त्री सतिशकुमार सिंहले बजेटमा भएको कमजोरीको उच्चस्तरीय छानबिन गर्ने प्रतिवद्धता जनाएपछि मधेश प्रदेशसभा बैठकको अवरोध हटेको छ । बिहीबार बसेको प्रदेशसभाको सुरुमै जसपा नेपालका प्रमुख सचेतक रामअशिष यादवले बजेटमा त्रुटि भएको स्वीकार गरिसकेकाले उक्त बजेटमाथि प्रदेशसभामा छलफल नगर्ने बताए । त्यसपछि जसपा नेपालका सांसदहरु उठेर संसद अवरोध गरे । सभामुख रामचन्द्र मण्डलले यो […]

काठमाडौं । जनमत पार्टीले प्रधानमन्त्री पुष्पकमल दाहाल ‘प्रचण्ड’लाई विश्वासको मत नदिने भएको छ । पार्टीको बैठकले प्रधानमन्त्री दाहाललाई विश्वासको मत नदिने निर्णय गरेको प्रवक्ता डा शरदसिंह यादवले बताए । प्रधानमन्त्री दाहालले भोलि प्रतिनिधिसभामा विश्वासको मत लिने कार्यसूची रहेको हो। जनमत पार्टीको प्रतिनिधिसभामा छ सांसद रहेको छ । जनमतले नेपाली कांग्रेस र नेपाल कम्युनिष्ट पार्टी (एमाले)बीच […]