जनकपुरधाम । संघीय मामिला तथा सामान्य मन्त्रालयले धनुषाको दुई पालिकामा नयाँ प्रमुख प्रशासकीय अधिकृत पठाएको छ । दुबै अधिकृत आइतबार आ-आफ्नो पालिकामा हाजिर भएका हुन् ।
संघीय मामिला तथा सामान्य प्रशासन मन्त्री अनिता देवी साहकै गृह जिल्लाको दुई पालिकामा नयाँ अधिकृत पठाएपछि मन्त्री साह र जनमत पार्टीको प्रशंसा स्थानीयहरुले गरिरहेका छ्न ।
मन्त्रालयले आइतबार सिकिन्द्र प्रसाद साहलाई विदेह नगरपालिकाको प्रमुख प्रशासकीय अधिकृतको रुपमा खटाएपछि उनलाई आइतबार नै मेयर बेचन दासले हाजिर गराएका हुन् ।
उक्त नगरपालिकामा विगत लामो समयदेखि ईन्जिनियर संजिव कुमार साहले निमित्त प्रमुख प्रशासकीय अधिकृतको रुपमा जिम्मेवारी सम्हालेका थिए । ईन्जिनियर साहको आजबाट प्रमुख प्रशासकीय अधिकृतको जिम्मेवारी खोसिएको छ ।
त्यसैगरी सर्वजित कुमार झालाई जनकनन्दिनी गाउँपालिकाको प्रमुख प्रशासकीय अधिकृतको रुपमा मन्त्रालयले पठाएको छ ।झालाई जनकनन्दिनी गाउँपालिकाका अध्यक्ष दिपिन देव यादवले गमछा लगाउदै स्वागत गरेका हुन ।
यो पालिकामा पनि स्वास्थ्यका कर्मचारी अयोधी दासले पनि करिब ५ वर्षदेखि निमित्त प्रमुख प्रशासकीय अधिकृतको रुपमा कामकाज गर्दै आइरहेका थिए ।उनलाई पनि निमित्त अधिकृतको जिम्मेवारीबाट हटाइएको हो ।
