कमल कुमार मण्डल,राजविराज ।सप्तरीको तिलाठी कोइलाडी गाउँपालिका वडा नम्बर २ लौनियाँ स्थित मोहरमको अवसरमा मोहरम मुस्लिम युवा समिति, लौनियाँद्धारा आयोजना गरिएको मोहरम मेला बुधवार सम्पन्न भएको छ ।
स्थानिय समाजसेवी मो. नियामत मंसुरीको अध्यक्षता तथा तिलाठी कोईलाडी गाउँपालिकाका प्रमुख सतिश कुमार सिंहको प्रमुख आतिथ्यमा मेला आयोजना गरिएको हो ।
मेलामा लठ्ठी, फौरसा, तलवार र भालालगायतका सामग्रीले खेल प्रदशन गरिएको थियो ।
खेल सञ्चालन गाउँपालिका प्रमुख सतिश कुमार सिंहले खेलाडीहरु संग लठ्ठी लडाएर मंगलवार सञ्चालन गरेको थियो भने बुधवार खेलाडीहरुलाई पुरस्कार बाँडदै सम्पन्न गरेका छन् । खेलाडीहरुको प्रशंसा गर्दै खेलाडीहरुको मनोवल बढाउँदै पुरस्कार बाँडेका हुन् ।
दुईदिने मेलामा बुधवार तिन समुहका खेलाडीहरुले १५ मिनेटको समयमा आफ्ना आफ्ना खेल प्रदर्शन गरेको थियो । सप्तरीका हाटिका खेलाडीहरु प्रथम, ललापट्टीका खेलाडीहरु द्धितीय र लौनियाँका स्थानिय खेलाडीहरु तृतिय स्थान प्राप्त गरेका छन् ।उक्त कार्यक्रममा उद्घोषण इसाक मंसुरीले गरे ।
