०८ चैत्र २०८१, आइतबार
23-03-2025 , Sun
×

देशकै पहिलो टिबी फ्री पालिका बन्ने होडमा हरिवन नगरपालिका

Logo
सोम दियाली प्रकाशित सोमबार, मंसिर २५, २०८०

सर्लाही। स्वास्थ्य क्षेत्रमा मधेश प्रदेशमै पहिलो स्थान हासिल गरेको सर्लाहीको हरिवन नगरपालिका यतिबेला देशकै पहिलो टिबी फ्री पालिका बन्ने होडमा छ ।

नगरपालिकालाई पहिलो टिबी फ्रि पालिका बनाउने उदेश्यले यहाँ टिबी सम्बन्धी विभिन्न कार्यक्रमहरुलाई तिब्रता दिइएको छ।सोही अभियान अन्तर्गत सोमबारबाट शंकास्पद टिबी अर्थात क्षयरोगीहरुको स्क्रीनिङ्ग क्याम्प समेत सञ्चालन गर्न थालिएको छ ।

हरिवन नगरपालिका-१ स्थित भोक्टेनी आधारभूत स्वास्थ्य केन्द्रबाट शुरु गरिएको क्याम्प मंसिर ३० गतेसम्म नगरका विभिन्न वडाहरुमा सञ्चालन गरिने नगर स्वास्थ्य शाखा हरिवनले जनाएको छ । प्रदेश जनस्वास्थ्य निर्देशनालय, जिल्ला जनस्वास्थ्य कार्यालय र बागमती सेवा समाजको समेत समन्वयमा सुरु गरिएको स्क्रीनिङ्ग क्याम्पको वडा अध्यक्ष टम बहादुर घिसिङको अध्यक्षतामा नगर प्रमुख रमेश बुढाथोकी(कमल)ले शंकास्पद विरामीलाई पूर्जा वितरण गरेर उद्घाटन गर्नुभएको छ ।

क्याम्पको शुभारम्भ गर्नुहुँदै नगरप्रमुख मेयर बुढाथोकीले हरिवन नगरपालिकालाई टिबी फ्रि पालिका बनाउने उदेश्यले गाउँगाउँबाट क्षयरोगी पत्ता लगाउन क्याम्प शुरु गरिएको बताउनुभयो । उहाँले लुकेर रहेरका रोगीहरु पत्ता लगाएर उपचारको दायरामा ल्याउन सके नगरपालिका छिट्टै टिबी फ्रि पालिका बन्ने विश्वास व्यक्त गर्नुभयो ।

त्यस्तै, नगर स्वास्थ्य शाखाका संयोजक रामबाबु चौधरीले पहिलो चरणमा बढी केश देखिएका वडाहरुमा क्याम्प सञ्चालन गर्न सुरु गरिएको जानकारी दिनुभयो । उहाँले नगरका सबै वडामा क्याम्प सञ्चालन गरी क्षयरोगीहरुको खोजपड्ताल गरिने बताउनुहुँदै अहिलेलाई क्षयरोगको जोखिम बढी भएका वडाहरुमा क्याम्प सञ्चालन गरिएको बताउनुभयो ।

त्यस्तै नगर क्षयरोग अधिकृत रोशनी घतानीले नगरपालिकालाई टिबी फ्रि पालिका बनाउन स्क्रिनिङ्ग क्याम्पसहितका विभिन्न कार्यक्रमहरु गरिरहेको जानकारी दिनुभयो । उहाँले मानिसहरुमा अझै पनि क्षयरोग लुकाउनु हुँदैन भन्ने चेत आई नसकेकोले क्षयरोगीको खोजपड्तालमा चुनौती हुने गरेको बताउनुभयो ।

क्याम्पस शुभारम्भ कार्यक्रममा मधेश प्रदेश स्वास्थ्य निर्देशनालयका क्षयकुष्ट अधिकृत राजबीर यादव, जिल्ला जनस्वास्थ्य कार्यालय सर्लाहीका क्षयकुष्ट अधिकृत बलिराम यादव लगायत स्वास्थ्यकर्मीहरु र स्थानीयको सहभागिता रहेको थियो ।

क्षयरोग ट्युबरक्लोसिस नामक ब्याक्टेरियाका कारण लाग्ने संक्रामक रोग हो । समयमै जाँच गराई नियमित औषधी खाए क्षयरोग निको हुने गर्दछ ।

कमेन्ट गर्नुहोस्
सम्बन्धित

सिराहा : धनगढीमाई नगरपालिका ८ सिराहामा तरकारी सङ्कलन केन्द्र तथा तरकारी बजारको लागि स्टल निर्माण कार्यको शिल्यानास भएको छ। जनमत पार्टीकी सांसद माननीय बिनिता कुमारी सिंह ज्यूको प्रमुख अतिथ्य तथा धनगढीमाई नगरपालिकाको नगर अध्यक्ष शिवशंकर महतोको उपस्थितिमा आज एक कार्यक्रम बीच उक्त कार्यको शिलान्यास भएको हो। सहरी विकास मन्त्रालय अन्तरगत सहरी विकास तथा भवन निर्माण […]

सिराहा : औरही गाउँपालिका सिराहामा महायज्ञको नाममा स्थानिय दलित समुदायका परिवारलाई उठिबास गराएको समाचार बाहिरिए पछि सर्वत्र चर्चाको विषय बनेको छ। हिजो बिहीवार कान्तिपुर पत्रिकामा समाचार सम्प्रेषण भए पछि संसद भवनमा एक पछि अर्को गरी लगभग १३/१४ जना सांसदहरुले घटनामा सँगलग्न व्यक्तीहरुलाई कारवाही गर्न माग गरे। लगत्तै राष्ट्रिय मानव अधिकार आयोग , दलित आयोग बाट […]

सिराहा, दिपेन्द्र यादव: सिराहाको बढियारपट्टि गाउँपालिका वडा नम्बर ४ सोपुरस्थित श्री बराकी आधारभूत विद्यालयमा ९ कोठे भवन जनमत पार्टीकी प्रतिनिधि सभा सांसद माननीय विनिता कुमारी सिंह ज्यूद्वारा शिलानास भएको छ। सहरी विकास मन्त्रालयको सहरी विकास तथा भवन निर्माण विभाग अन्तरगत सघन सहरी भवन निर्माण आयोजना सप्तरीबाट सञ्चालन हुने उक्त आयोजना करिब ५२ लाखमा टेन्डर लागेको […]