जनकपुरधाम ।धनुषाको क्षिरेश्वरनाथ नगरपालिकामा मालपोत कार्यालय स्थापना गर्नुपर्ने माग गर्दै मेयर सुखदेव यादवले जिल्ला प्रशासन कार्यालय धनुषामा ज्ञापन पत्र बुझाएको छ।
लामो समयदेखि क्षिरेश्वरनाथ नगरपालिाका, महेन्द्रनगरमा मालपोत कार्यालयको शाखा स्थापना नहुदा ग्रामीण भेग सेवाग्राहीहरु मर्कामा परेको भन्दै तत्काल यहाँ कार्यालय स्थापना गर्न माँग गर्दै मेयर यादवले धनुषाको प्रमुख जिल्ला अधिकारी चक्र पाणी पाण्डेलाई ज्ञापन पत्र बुझाएको हो ।
क्षिरेश्वरनाथ नगरपालिकाको पूर्वमा मिथिला विहारी र धनुषाधाम नगरपालिका, पश्चिममा बटेश्वर गाउँपालिका, उत्तरमा मिथिला नगरपालिका तथा दक्षिणमा लक्ष्मिनियाँ गाउँपालिका रहेको हुँदा मध्य विन्दु महेन्द्रनगर रहेकोले आउन जान यातायातको समेत सुविधा रहेको ज्ञापन पत्रमा उल्लेख छ ।
क्षिरेश्वरनाथमा मालपोतको शाखा कार्यालय स्थापना भएमा ती पालिकाहरु र यस नगरपालिकाका बासिन्दाहरुलाई मालपोत सम्बन्धि कामकाजको लागि आवत जावत गर्दा आर्थिक तथा समय समेत बचत हुनेछ । तर मालपोत कार्यालय धनुषाको शाखा मिथिला नगरपालिकाको ढल्केवरमा स्थापना गर्ने भनी हाल गरिएको निर्णय प्रति आप्mनो असहमति रहेको मेयर यादवले बताए । यद्यपी, मालपोत कार्यालयको शाखा ढल्केवरमा स्थापना भएमा क्षिरेश्वरनाथ नगरपालिकाको मालपोत सम्बन्धी कामकाज मालपोत कार्यालय जनकपुरधामबाट नै हुने गरी व्यवस्था मिलाउन मेयर यादवले मांग गरेका छन् ।
