०२ साउन २०८१, बिहिबार
18-07-2024 , Thu
×

असई थमन बिक हत्या प्रकरणमा अदालतको फैसलाप्रति जनमत पार्टीको असहमति

Logo
न्यूजमधेश प्रकाशित शनिबार, मंसिर ३०, २०८०

जनकपुरधाम । महोत्तरीको जलेश्वरमा भएको सशस्त्रका असई थमन बिकको हत्या अभियोगमा अदालतले गरेको फैसलाप्रति जनमत पार्टीले असहमति जनाएको छ ‌।

तेस्रो मधेश आन्दोलनको क्रममा असई विक मारिएका थिए । उनको हत्या आरोपमा २८ जनामाथि मुद्दा दायर भएकोमा जिल्ला अदालतले मधेश प्रदेशसभा सदस्य अभिराभ शर्मासहित ७ जनालाई जन्मकैदको सजाय सुनाएको छ ।

अदालतको उक्त फेसलाले मधेस आन्दोलन तथा किसान आन्दोलनलगायत अधिकार प्राप्तिका लागि गरिएका आन्दोलनको मर्म तथा भावनामाथि कुठाराघात गरेको ठहर जनमत पार्टीले गरेको छ ।

जनमतका केन्द्रीय प्रवक्ता डा. शरद सिंह यादवले आज विज्ञप्ती जारी गरेर अदालतको फैसलामा असहमती जनाएका छन् । अधिकार प्राप्तिको लागि गरिएका आन्दोलनको घटनालाई अपराधीक रुप दिएपछि एक पटक फेरि न्याय प्रणाली माथी नै प्रश्नचिह्न उठेको विज्ञप्तीमा उल्लेख छ ।

विज्ञप्तीमा भनिएको छ, ’सशस्त्र जनयुद्धमा गरिएका हजारौं बीभत्स हत्याकाण्डका असंख्य मुद्दाहरुमा अहिले सम्म सोझा पीडित जनताले न्याय न पाउनु तथा अन्य विभिन्न आन्दोलनमा लागेको मुद्दाहरुलाई थाती राखी मधेसी आदिवासी जनजाति थारु मुस्लिमले आफ्नो अधिकार प्राप्तिको लागि गरेको सङ्घर्षलाई आजको अदालती फैसलाले यो देशमा सिमान्कृत जनता माथीको बिभेद्लाई अझ उदाङ्गो बनाउने काम गरेको छ।’

अदालतको फैसलालाई लक्षित गर्दै विज्ञप्तीमा भनिएको छ, ’जनमत पार्टीले यस्ता क्रियाकलापको घोर निन्दा गर्दछ ।’

मधेस आन्दोलन, किसान आन्दोलनलगायत अधिकार प्राप्तीको आन्दोलनहरुमा लगाएका सबै झुठा मुद्दाहरू अबिलम्ब फिर्ता लिन पनि सो पार्टीले माग गरेको छ ‌।

जन्मकैदको सजाय पाएका प्रदेशसभा सदस्य शर्मा लोकतान्त्रिक समाजवादी पार्टीका संसदीय दलका नेता हुन् । सजाय पाएका अन्य ६ जना पनि मधेश केन्द्रित दलकै नेता कार्यकर्ता हुन् ।

कमेन्ट गर्नुहोस्
सम्बन्धित

काठमाडौं । ईयूको सहयोगमा क्रिएसन नेपालले ‘ग्रीनसिफ्ट एम्बेस्डर’ छनौटका लागि फारम आव्हान गरेको छ । ग्रीनसिफ्ट परियोजना अन्तर्गत वातावरण संरक्षण प्रति युवाहरुलाई सचेतना जगाउनका लागि ‘ग्रीनसिफ्ट एम्बेस्डर’ छनौटका लागि फारम आव्हान गरिएको हो । ईयूको सहयोगमा सञ्चालित ग्रीनसिफ्ट नेपाल परियोजनाको लक्ष्य र उद्देश्यहरू हासिल गर्न वृहत युवा संलग्नतालाई प्रवद्र्धन गर्नका लागि ‘ग्रीनसिफ्ट एम्बेस्डर’ एक महत्वपूर्ण […]

चितवन । चितवनमा एक वर्षको अवधिमा सवारी दुर्घटनामा परी एक सय १५ जनाको मृत्यु भएको छ । विसं २०८० साउनदेखि २०८१ असारसम्म उक्त मानवीय क्षति भएको हो । जिल्लाका भित्री सडकमा भन्दा राजमार्गमा भएका दुर्घटनामा परी बढी मानवीय क्षति भएको हो । दुर्घटनामा परी मृत्यु हुनेमा ९२ पुरुष, १९ महिला र चार बालक रहेका छन् […]

काठमाडौँ । काठमाडौँको उत्तरी भेगस्थित शेषनारायण मन्दिरमा आज बिहानैदेखि दर्शनार्थीको घुइँचो लागेको छ । दक्षिणकाली नगरपालिकाको फर्पिङमा पर्ने उक्त मन्दिरमा प्रत्येक वर्ष असार शुक्ल एकादशीका दिन मेला लाग्छ । यहाँ आउने भक्तजनलाई व्यवस्थित गर्न स्थानीय जनप्रतिनिधि र सुरक्षाकर्मी खटिएका छ्न् । काठमाडौँ उपत्यकाका चार नारायणमध्ये शेषनारायण मन्दिरलाई एक महत्त्वपूर्ण तीर्थस्थलका रूपमा लिइन्छ । असार शुक्ल […]