३१ आषाढ २०८२, बुधबार
16-07-2025 , Wed
×

राजविराजमा चरम अनियमितता भएको आशंकामा अख्तियारले थाल्यो छानबिन

Logo
सौरभ यादव प्रकाशित सोमबार, पुष ०२, २०८०

राजविराज । सप्तरीको राजविराज नगरपालिकामा चरम आर्थिक अनियमितता भएको आशंकामा अख्तियारले छानबिन थालेको छ।

गत वर्ष पालिकामा सञ्चालित अधिकांश विकास आयोजना तथा सामाजिक शाखातर्फको कार्यक्रममा चरम आर्थिक अनियमितता भएको आशंकामा अख्तियार दुरुपयोग अनुसन्धान आयोगले छानबिन थालेको हो।

नगरपालिका कर्मचारी स्रोतका अनुसार आर्थिक अनियमितताको आशंकामा अख्तियारले छानबिन थाल्दै नगरपालिकामा चार दर्जनभन्दा बढी पत्र पठाएको छ।

‘नगरपालिकामा सञ्चालित विकास तथा सामाजिक शाखातर्फको अधिकांश योजनामा आर्थिक अनियमितता भएको आशंका गरिएको छ,’ स्रोतले भन्यो, ‘अख्तियार दुरुपयोग अनुसन्धान आयोग, इटहरीको चार दर्जनभन्दा बढी पत्र कार्यालयमा आएको छ।’

नगरपालिकामा सञ्चालित सडक बोर्ड, वडास्तरीय र नगरस्तरीय योजना, प्रदेश तथा संघीय अनुदान, सामाजिक शाखातर्फको कार्यक्रम, तालिम, गोष्ठीहरूमा चरम आर्थिक अनियमितता भएको स्थानीयहरूले आरोप लगाउँदै आएका छन्।

अख्तियार दुरुपयोग अनुसन्धान आयोग इटहरी कार्यालयका एक कर्मचारीले छानबिन भइरहेको बताए। उनले भने, ‘आयोगमा राजविराज नगरपालिकाको उजुरी बढेको छ,’ उनले भने, ‘छानबिन गर्नु नियमित प्रक्रिया हो, छानबिन भइरहेको छ।’

यता, राजविराज नगरपालिकाका प्रमुख प्रशासकीय अधिकृत विष्णु गुरुङले अख्तियारको छानबिन सन्दर्भमा केही भन्न नमिल्ने बताएका छन्। उनले भने, ‘अदालत र अख्तियार दुरुपयोग अनुसन्धान आयोग संवैधानिक निकाय हो, यसको सन्दर्भमा के भएको, भइरहेको भन्न मिल्दैन।’

कमेन्ट गर्नुहोस्
सम्बन्धित

सिराहा जिल्लाको धनगढीमाई नगरपालिका वडा नं. ८ ले हालै प्रकाशित २०८१ सालको SEE परीक्षाको नतिजा अनुसार श्री जनता माध्यमिक विद्यालय, कासहा बाट उत्तीर्ण भएका विद्यार्थीहरूलाई एक भव्य समारोहका बीच सम्मान गरेको छ। कार्यक्रमको उद्देश्य सामुदायिक विद्यालयप्रति समाजमा व्याप्त नकारात्मक सोचलाई हटाउँदै, सार्वजनिक विद्यालयलाई गुणस्तरीय शिक्षाको केन्द्र बनाउने रहेको बताइएको छ। सम्मान कार्यक्रममा सहभागी विद्यार्थीहरूलाई खादा, […]

सिराहा, औरही — औरही गाउँपालिकाले प्रत्येक आर्थिक वर्षमा दर्जनौं मोबाइल फोनहरू खरिद गरी जनताको करको पैसा अनावश्यक रूपमा खर्च गर्दै आएको तथ्य सार्वजनिक भएको छ। हालै सार्वजनिक भएको आर्थिक वर्ष २०८०/८१ को महालेखा परीक्षण प्रतिवेदनअनुसार गाउँपालिकाले ७ थान मोबाइल फोन खरिदमा ७,३०,२०९ रुपैयाँ खर्च गरेको देखिन्छ, जुन स्थानीय सरकार सञ्चालन ऐन, २०७४ र आर्थिक कार्यविधि […]

सिरहा,१८ चैत्र: सिराहाको बरियारपट्टी गाउँपालिका वडा न.२ खोकसीमा कृष्ण मन्दिर निर्माण तथा भवन निर्माण कार्यको शिलान्यास भएको छ। आज एक कार्यक्रम बीच सिराहा निर्वाचन क्षेत्र नम्बर २ ( १ ) बाट निर्वाचित मधेस प्रदेश सांसद तथा भुपु भूमि व्यवस्था तथा कृषि राज्यमन्त्री संजय कुमार यादव द्वारा शिलानास भएको हो। मधेस प्रदेश सरकारको उद्योग , बाणिज्य […]