मधेशी समुदायसंग विभेद गरेको लोकसेवा आयोगको कर्मचारीमाथी कार्वाहीको माग गर्दै : नेता अरगरिया

जनकपुरधाम । समाजवादी पार्टी नेपालका प्रमुख सचेतक उमाशंकर अरगरियाले संघीय सदनमा वर्तमान सरकारले लोकसेवा आयोगमाथी नियन्त्रण गर्न प्रयास गरेर मधेशीसंग विभेद गरेको बताए।

विहिबार प्रतिनिधिसभाको बैठकमा नेता अरगरियाले मधेशी तथा अन्य समुदायसँग विभेद गरेको भन्दै लोकसेवाका कर्मचारीहरु उपर कारवाहीको माग गरेका हुन।संविधान विपरित रहेको लोकसेवा आयोगको विज्ञापनलाई खारेजीको माग सहित सँसदबाट समेत विज्ञापन रद्दको लागि निर्णय गरिएपनि लोकसेवाले बलजफ्ती रुपमा परीक्षा सँचालन गरेको भन्दै ।उनले भने, ‘गाउँस्तरका समुदायिक विद्यालयमा कक्षा ५ सम्म पढने विद्यार्थीलाई अँग्रेजी बोल्न आउँदैन, यहाँसम्म की कक्षा ५ मा पढाउने शिक्षक शिक्षिका पनि धेरै यस्ता छन जसलाई अँग्रेजी राम्ररी आउँदैन, गरिब र मध्यमवर्गी परिवारले प्राइभेट स्कूलमा पढाउने क्षमता छैन ? सबैले काठमान्डौका ठुलठुला स्कूलमा पढाउन सक्ने क्षमता छैन तर पनि आरक्षणको दम्भमा मधेशी, थारु, आदिवासी जनजातीहरुले लडेर लोकसेवा पास गर्ने मौक पनि वर्तमान सरकारले खोसे । यो सरकार लोकसेवा आयोगलाई आफ्नो भातृ संगठनको रुपमा बनाउन खोजिएको छ ?’
कैयौं पटक साँसद भवनमा लोकसेवा आयोगको विज्ञापन विरुद्ध बोल्दै आएका नेता अरगरियाले राष्ट्रसेवक कर्मचारी भएर संविधान विपरितको विज्ञापन प्रकाशित गरी परीक्षा समेत सँचालन गरेपनि कुनै कारवाही नगरिएको भन्दै खेद प्रकट गरे । उनले भने, ‘यस्ता कर्मचारीलाई कारवाही गर्ने की नगर्ने ? आरक्षण खाएका ती कर्मचारीलाई कारवाही हुनैपर्छ । यो सरकारले मधेशी, आदीवासी, थारु समुदायहरुसँग विभेद गरेकै हो ।’