०५ बैशाख २०८१, बुधबार
17-04-2024 , Wed
×

राजविराजका १८ वर्षिय ग्रीस देव एक सप्ताहदेखि बेपत्ता ,खोजदिन परिवारजनले गरे आग्रह

Logo
न्यूजमधेश प्रकाशित बुधबार, पुष ०४, २०८०

राजविराज । सप्तरीको राजविराज नगरपालिका–५ बस्ने १८ वर्षिय ग्रीस देव सातदिन वितिसक्दा समेत अवस्था अज्ञात रहेकोले परिवारले खोजतलासका लागि आग्रह गरेका छन् ।

गत बुधवार दिउँसोदेखि भाइ ग्रीसको अवस्था अज्ञात रहेकोले खोजतलासका लागि दिदी निर्मला देवले आग्रह गरेकी हुन् ।
बेपत्ता भएको भोलिपल्टै जिल्ला प्रहरी कार्यालय सप्तरीमा खोज तलासका लागि निवेदन दिदा समेत अहिलेसम्म भाईको अवस्था सार्वजनिक हुन नसकेपछि घरमा चुल्हो बल्न नसकेको उनले दुखेसो सुनाइन् ।

“छोराको चिन्ताले सात दिनदेखि निदाउन सकेेका छैन्न । नत पेटमा अन्न नै जान सकेकोको छ, ग्रीसका बुबा उपेन्द्र देवले भने,´छोराको कलेज,साथीहरू,छिमेकी,आफन्त हरेक ठाउँमा सोधपुछ गरिसके कतै पत्तो लाग्न सकेको छैन् ।”

प्रहरीले पत्तो लगाउँछ भन्ने ठूलो आशा थियो । प्रहरीलाई सोध्दा खोज्दै् छु भन्ने प्रतिक्रिया दिदै आएको छ तर कुनै पत्तो लाग्न नसकेपछि चिन्ता झन बढ्दै गएको बुबा उपेन्द्रको बताए ।

घरमा कोही आयो भने छोरा आयो कि भन्ने लाग्छ । कसैको फोन आउने बित्तिकै छोरा भेटिएको खबर दिएको हो कि भनेर आशा जागेर आउँछ । तर त्यो आशा निराशामा परिणत हुनु बाहेक केही हुन नसकेको ग्रीसको आमाको दुखेसो छ ।
गत बुधबार दिउँसो सवा २ बजे ट्युसन पढ्नका लागि निस्केका ग्रीस अझै सम्म फर्केका छैन्न ।

ग्रीस कक्षा १२ मा राजविराज स्थित रहेको मिसन कलेजमा अध्ययन थिए । उनी निस्केको दिन ज्याकेट,स्वेटर तथा जुत्ता समेत लगाएका थिएनन् । सधैं मोबाइल बोकेर ट्युसन जाने गरेपनि त्यसदिन मोबाइल समेत नबोकी उनी घरबाट निस्केका थिए ।उपेन्द्रका तीन सन्तान दुई छोरी र एक छोरा छन् । ग्रीस सन्तानमा कान्छो हुन् ।

यता उनको परिवारले प्रशासनिक निकाय,मानवअधिकारकर्मी,पत्रकार लगायत हरेक पक्षलाई ग्रीसको खोज तलासका लागि पहल गरिदिन आग्रह गरेका छन् । जिल्ला प्रहरी कार्यालय सप्तरीका प्रबक्ता प्रहरी नायव उपरीक्षक ढुण्डीराज नेउपानेले सम्पर्कविहीन ग्रीसको खोज तलास जारीरहेको बताए ।

कमेन्ट गर्नुहोस्
सम्बन्धित

जनकपुरधाम । मुख्यमन्त्री सरोजकुमार यादवले विश्वासको मत लिन डाकिएको मधेश प्रदेशसभा बैठकमा सत्तापक्ष र प्रतिपक्षी दलका सांसदहरुबीच चर्काचर्की भएको छ । सभामुख रामचन्द्र मण्डलले प्रदेशसभा बैठक सुरु गरेलगत्तै जनमत पार्टीका सांसदहरुले उठेर विरोध जनाए । सो क्रममा एमालेका सांसद दीपेन्द्र ठाकुर र जनमतका सांसद चन्दन सिंहबीच चर्काचर्की भएको हो । जनमतका सांसद सिंहले माघ ८ […]

काठमाडौं। अल नासेर ओभरसिजले दुईदेखि तीन लाख रुपैयाँसम्म लिएर कतारको इमदाद अलक्युबिदा कम्पनीमा पठाएका ५५ नेपाली कामदार भोकभोकै अलपत्र परेका छन् । जसमा महिलासमेत छन् । कम्पनीले तलब नदिनुका साथै खाने व्यवस्थासमेत नगर्दा उनीहरूको बिजोग भएको हो । उनीहरूलाई कम्पनीले ३ देखि ५ महिनासम्मको तलब दिएको छैन । दोहास्थित नेपाली दूतावासले खानाको व्यवस्था गर्न अल नासेर ओभरसिज र इमदाद […]

महोत्तरी। मधेस प्रदेशको प्राचीन मिथिला क्षेत्रमा आज श्रद्धापूर्वक वासन्ती छठ मनाइँदै छ । चैत शुक्ल चतुर्थीदेखि सप्तमीसम्म चार दिन विभिन्न विधिसाथ मनाइने पर्वको आज तेस्रो दिन व्रतालुले निराहार व्रत सुरु गरेका छन् । यसअघि गत शुक्रबार चैत शुक्ल चौथी (चतुर्थी)का दिन ‘नहाय–खाय’ (पवित्र स्नान गरेर शुद्ध खाने) विधिबाट पर्व प्रारम्भ गरेका व्रतालुले हिजो शनिबार पञ्चमी […]