३१ आषाढ २०८१, सोमबार
15-07-2024 , Mon
×

भुमाफियाको गुण्डा शैलीलाई संरक्षण गर्दै रौतहट प्रहरी -पीडितको आरोप

Logo
न्यूजमधेश प्रकाशित बुधबार, पुष ०४, २०८०

रौतहट । रौतहट जिल्लाको चन्द्रनिगाहपुर बजार क्षेत्रमा बसोबास गर्ने मधेशी समुदायका सर्व साधारण माथी स्थानिय भुमाफियाहरु गिद्धे दृष्टि लगाउन थालेका छन् ।

चन्द्रपुर नगरपालिका बडा नम्बर ४ मा बिगत २० वर्ष देखि घर बनाई बसोबास गर्दे आएका एक मधेशी मुलका नेपाली लाई केहि स्थानिय भुमाफियाहरुले दुख दिन थालेपछि भुमाफियाको कर्तुत बाहिरीएको हो ।

चन्द्रपुर नगरपालिकाको देउराली चोकमा २४ धुर जग्गा खरिद गरी विगत २० वर्ष देखि घर बनाई पाउरोटिको व्यवसाय गर्दे आएका शेख मनिरको जग्गा लाई बलपूर्वक भुमाफियाहरुले कब्जा गर्न खोजेको पिडितले आरोप लगाएका छन् ।

भुमाफियाहरुले अन्यत्रको जग्गाको कागजात ल्याई आफ्नै जग्गामा दाबी गर्दै आए पछि पिडित पक्षले आज रिपोर्टस कल्ब गौरमा पत्रकार सम्मेलन गरी घटनाबारे जानकारी गराउनुको साथै न्यायको लागी हार गुहार गरेका हुन ।

भुमाफिया बाट पिडित शेख मनिरका अनुसार स्थानिय नरबहादुर बोग्टी भन्ने राजन र महोतरी जिल्ला घर भएका भुमाफिया कासीम अंसारीले अन्य जग्गावाला संग अन्य नै जगगाको कागजात खरिद गरी आफु मधेशी भएकै कारण मेरो जग्गा सजिलै कब्जा गर्न सक्ने मन्सायले गुन्डा प्रयोग गरी घर तोडफोड गरेको आरोप लगाएका छन् ।

सम्प्रदायिक सोचले अभिप्ररित भई भुमाफिया भनिएका नरबहादुर र कासीमले मेरो जग्गा कब्जा गर्न पावर र पहुँचको अधारमा अदालत लाई समेत अध्यारोमा पारी आफ्नो पक्षमा फैसला गराउन सक्ने अभिप्रायले जिल्ला अदालतमा मुद्धा दिएको तर अदालतले सो मुद्धाको फैसल भुमाफियाको विपक्षमा आए पछि पुन पुनरावेदनमा रिट दायर गरेको र पुनरावेदनबाट समेत भुमाफियाहरु मुदा हारे पछि गन्डा शैलीमा उत्रेको पिडित शेख मनिरको आरोप रहेको छ ।

त्यस्तै पिडित मनिरले मंसिर २६ गतकोे पुनरावेदन अदालतको निशेधाज्ञा विपरीत २९ गते ईलाका प्रहरी कार्यालयका प्रहरीको उपस्थिती मा भुमाफियाहरुले आफ्नो घरमा गुण्डाहरु प््रयोग गरी तोडफोड र लुटपाट गरेको बताएका छन् ।

पुनरावेदन अदालतमा मुद्धा चली रहँदा भुमाफियाहरुलाई निजि अमिन लगी आफ्नो जग्गा नापजाँच गर्न खोज्दा परिवारको सदस्यहरु आपत्ती जनाउदा ईलाका प्रहरी कार्यालयका प्रहरीले भुमाफियाहरुको ईसारामा आफ्नो श्रीमती, छोरी र अन्य परिवारका सदस्यहरुलाई थुनेको तथा आफु व्यापारबाट फर्केर आउँदा घटना थाहा पाई भेटन जाँदा उनिहरुलाई थुनामुक्त गरी आफुलाई नै थुनेर अभद्र व्यहवारको मुद्धा चलाई १९ दिन थुनामा राखेको तथा पुस ३ गते अदालतको निशेधाज्ञाको आधारमा छोडेको पिडितले आरोप लगाएका छन् ।

भुमाफियाले आँखा गाडेको आफ्नो जग्गाको मुद्धामा तल्लो दुई तहको अदालतले आफ्नो पक्षमा फैसला गरेको र सर्वोच्च अदालतमा समेत मुद्धा प्रक्रियामा रहेको तर रौतहट प्रहरी न्यायीक अड्डाको आदेश समेत बेवास्ता गरी भुमाफियाको ईसारामा संचालन रहेको पिडित मनिरको आरोप रहेको छ ।

त्यस्तै पिडित भनिएका मनिर का आफन्त जुलफेकार का अनुसार आफुहरु घटनाको सम्बन्धमा पटक पटक प्रमुख जिल्ला अधिकारी कहाँ जाँदा प्रमुख जिल्ला अधिकारीले रौतहट प्रहरीका प्रमुखलाई उचित आदेश दिए पनि सो अनुसारको सहयोग नभएको गुणासो गरेका छन् ।

जुलफेकारका अनुसार ईलाका प्रहरी कार्यालय चपुरका निमित्त प्रमुख अदालतको आदेश कार्यानवयन गराउनुको सट्टा भुमाफियालाई नै सहयोग गर्ने गरेका छन् । आफुहरु साह्रै अन्यायमा परेकोले न्यायको पक्षमा अवाज उठाई न्यायका लागी पहल र सहयोग गरी दिन पिडितले पत्रकार सम्मेलन मार्फत आग्रह गरेका छन् ।

कमेन्ट गर्नुहोस्
सम्बन्धित

जनकपुरधाम । मधेस प्रदेश सरकारले आगामी आर्थिक वर्षका लागि विनियोजन गरेको बजेटका सम्बन्धमा उठेका सवाल छानबिनका लागि उच्चस्तरीय छानबिन समिति गठन गर्ने निर्णय भएको छ । मधेश प्रदेशसभाको आजको बैठकमा सभामुख रामचन्द्र मण्डलले बजेटका सम्बन्धमा उठेका सवालबारे आवश्यक छानबिन गर्न उच्चस्तरीय समिति गठन गर्ने निर्णय भएको बताए । उनले समितिको जिम्मेवारी निर्धारणका लागि मुख्यमन्त्री सतिशकुमार […]

काठमाडौँ । अविरल वर्षाका कारण देशका विभिन्न स्थानमा आएको बाढीपहिराका कारण हालसम्म एक सय आठ जनाको मृत्यु भएको छ । प्रहरी प्रधान कार्यालयका अनुसार अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढीपहिरालगायत विपद्मा परी आज दिउँसोसम्म एक सय आठ जनाको मृत्यु भएको हो । मृत्यु हुनेमा काठमाडौँ उपत्यकामा दुई जना, कोशी […]

जलेश्वर । आर्थिक अनियमितताको आरोपमा निलम्बनमा परेका महोत्तरी सदरमुकाम जलेश्वर नगरपालिकाका प्रमुख सुरेश साह सोनारले मुद्दामा सफाइ पाएपछि आजदेखि पुनः कार्यभार सम्हालेका छन् । उनीसहित उपप्रमुख रौशन खातुन, वडा नं १ का वडाअध्यक्ष अनिलकुमार झा, कार्यपालिका सदस्य सोगरा खातुन, तत्कालीन प्रमुख प्रशासकीय अधिकृत मित्रलाल ढकाल र अधिकृत धिरेन्द्र झाले पनि सफाइ पाएपछि आजैदेखि कार्यभार सम्हालेका […]