जनकपुरधाम । नेपाली कांग्रेसका सहमहामन्त्री महेन्द्र यादवले मधेशका मुख्यमन्त्री सरोज कुमार यादवलाई मनपरी नगर्न चेतावनी दिएका छन् ।
जनकपुरधाममा बिहिवार कांग्रेस मधेश प्रदेशको प्रथम सम्मेलनको उद्घाटन समारोहलाई सम्बोधन गर्दै सहमहामन्त्री यादवले गठबन्धनको मर्म र भावना अनुसार मुख्यमन्त्री यादव नचलेको आरोप लगाए ।
बारामा कांग्रेस कांग्रेस कार्यकर्ताको हत्या भएकोमा सहमहामन्त्री यादव मुख्यमन्त्री यादवमाथि आक्रोश पोखे । उनले कांग्रेस कार्यकर्तालाई केहि भयो भने चुप लागेर नबस्ने चेतावनी पनि दिए ।
उनले मधेश प्रदेश नेपाली कांग्रेसको गढ रहेको पुष्टि आजको उपस्थितले देखाइदिएको दावी गरे । उनले आग्रह गरे- संघीयता मजबुत पार्नुछ भने हाम्रो पार्टी सभापति देउवालाई मजबुत पार्नुस् ।
