२८ आषाढ २०८१, शुक्रबार
12-07-2024 , Fri
×

मधेस प्रदेशः पीडितमाथि अश्रुग्यास प्रहार

Logo
न्यूज मधेश प्रकाशित शुक्रबार, पुष १३, २०८०

सर्लाही । प्रहरीले अश्रुग्यास प्रहार गर्दा सर्लाहीमा एक दर्जन भन्दा बढी मिटर व्याज पीडित महिलाहरु घाइते भएकी छन् ।

मिटर व्याज पीडितहरु जिल्ला प्रशासन कार्यालय सर्लाहीले आफूहरुको निवदनमा ढिलासुस्ती गरेको भन्दै उनीहरु धर्नामा बसेपछि प्रहरीले उनीहरुलाई तितिरबितिर पार्न आश्रुग्यास प्रहार गरेका छन् ।

धर्नामा बसेका मिटर व्याज पीडितहरुले प्रमुख जिल्ला अधिकारी विरुद्ध नाराबाजी गर्नथालेपछि प्रहरीले उनीहरुमाथि अश्रुग्यास प्रहार गर्दा एक दर्जन भन्दा बढी घाइते समेत भएका छन् । स्थिति नियन्त्रण गर्न प्रहरीले पाँच राउण्ड अश्रुग्यास प्रहार गरेका थिए । घाइतेहरुको प्रादेशिक अस्पताल मलंगवा उपचार भइ रहेको छ ।

सर्लाहीमा मिटर व्याज सम्वन्धी अनुचित लेनदेनको ३१ सय उजुरी दर्ता गराइएको छ । तर त्यस मध्ये ६ सय उजुरी मिलापत्र भएको छ भने २५ सय मुद्दा पछ्र्यौट हुन बाँकी रहेको छ ।

मिटर व्याज सम्वन्धी मुद्दा जटिल रहेको प्रमुख जिल्ला अधिकारी कोमलप्रसाद धमलाले बताए । प्रजिअ धमलाले यो मुद्दामा वडाध्यक्ष देखि मन्त्री सम्मको दवाव आउने गरेको बताए । उनले प्राइभेट नम्वर हरुबाट फोन आउन थालेपछि मुद्दा प्रभावित भएको उनले स्वीकारे ।

मिटर व्याज तथा ठगीविरुद्ध किसान मजदुर संघर्ष समिति सर्लाहीका सचिव सोनफी चौधरीले अनुचित देनदेनको कानुन बनेपछि दुई महिना सम्म जिल्ला प्रशासन कार्यालय सर्लाहीबाट पूर्ण रुपमा निष्पक्ष न्याय भएको बताउँदै त्यस पछि यता, सिडिओ साहव निष्कृय बनेको आरोप लगाए ।

जिल्ला प्रशासन कार्यालय सर्लाहीमा दिनहुँ कुटपिट तथा झै– झगडा हुन थालेपछि कार्यालयको कामहरु प्रभावित हुन थालेको छ । सर्लाहीका सहायक प्रमुख जिल्ला अधिकारी होमप्रसाद घिमिरेले भने–‘अनुचित लेनदेनको मुद्दा मिलान गर्न एउटा समिति बनाइएको छ । जसमा जिल्ला प्रशासन कार्यालय, सर्लाहीका प्रतिनिधि, सरकारी वकील कार्यालयका प्रतिनिधि, वित्तिय संस्थाका प्रतिनिधि, मालपोत कार्यालयका प्रतिनिधिका साथै मिटर व्याज तथा ठगीविरुद्ध मजदुर संघर्ष समिति सर्लाहीका प्रतिनिधि राखेर छलफल हुन्छ ।’

सहायक प्रमुख जिल्ला अधिकारी घिमिरेका अनुसार परेको ३१ सय निवेदन मध्ये ६ सय २५ वटा मुद्दा फछ्र्यौट भइ सकेको छ ।

कमेन्ट गर्नुहोस्
सम्बन्धित

सिरहा । सिरहा र सप्तरीको सिमानामा बग्ने बलान नदीको बस्तीमा पस्ने गरेको छ । चुरे मूल भएको यो नदीमा सर्रे, खुट्टी र मुतनी, झिझिर, चहकालगाएतका सानाठूला खोला मिसिन्छन् । वर्षातमा नदी आसपासका सिरहा र सप्तरीका कयौँ बस्ती डुबानमा पर्ने गरेका छन् । “जमिनको लालपुर्जा छ, तर जमिन छैन । दशकौँदेखि गरिखाने जमिन बाढीले बगायो”, लहान […]

जनकपुरधाम । मुख्यमन्त्री सतिशकुमार सिंहले बजेटमा भएको कमजोरीको उच्चस्तरीय छानबिन गर्ने प्रतिवद्धता जनाएपछि मधेश प्रदेशसभा बैठकको अवरोध हटेको छ । बिहीबार बसेको प्रदेशसभाको सुरुमै जसपा नेपालका प्रमुख सचेतक रामअशिष यादवले बजेटमा त्रुटि भएको स्वीकार गरिसकेकाले उक्त बजेटमाथि प्रदेशसभामा छलफल नगर्ने बताए । त्यसपछि जसपा नेपालका सांसदहरु उठेर संसद अवरोध गरे । सभामुख रामचन्द्र मण्डलले यो […]

काठमाडौं । जनमत पार्टीले प्रधानमन्त्री पुष्पकमल दाहाल ‘प्रचण्ड’लाई विश्वासको मत नदिने भएको छ । पार्टीको बैठकले प्रधानमन्त्री दाहाललाई विश्वासको मत नदिने निर्णय गरेको प्रवक्ता डा शरदसिंह यादवले बताए । प्रधानमन्त्री दाहालले भोलि प्रतिनिधिसभामा विश्वासको मत लिने कार्यसूची रहेको हो। जनमत पार्टीको प्रतिनिधिसभामा छ सांसद रहेको छ । जनमतले नेपाली कांग्रेस र नेपाल कम्युनिष्ट पार्टी (एमाले)बीच […]