जनकपुरधाम । धनुषाको विदेह नगरपालिकाले शुक्रबारबाट व्यक्तिगत श्रम स्वीकृति तथा पुनः श्रम स्वीकृति दिनेभएको छ । नगरको रोजगार सेवा केन्द्रबाट श्रम स्वीकृति लिन सकिने जनाइएको छ ।
नगरपालिकाका अनुसार शुक्रबारदेखि नगरको केन्द्रमा आवेदन गरी श्रम स्वीकृति तथा पुनः श्रम स्वीकृति लिन सकिनेछ ।
सरकारी व्यवस्थाअनुसार वैदेशिक रोजगारलाई थप व्यवस्थित, सुरक्षित, मर्यादित, भरपर्दो र सहज बनाउन स्थानीय तहबाटै उक्त व्यवस्था सुरु गरिएको विदेह नगरपालिकाले जनाएको छ ।
विदेह नगरपलिकामा श्रम स्वीकृतिका काम विधिवत रूपमा रोजगार सेवा केन्द्रबाट सुरूवात भएको छ ।
नगर प्रमुख बेचन दास र प्रमुख प्रशासकीय अधिकृत सिकिन्द्र प्रसाद साहको हाथबाट सेवा ग्राहीलाई श्रमको पत्र हस्तान्तरण गरिएको छ ।
