दिपेन्द्र कुमार यादव ,सिरहा । धोती दिवस मनाउन काठमाडौंको माइतीघर गएका मधेशीहरूलाई प्रहरीले हस्तक्षेप गर्दै पक्राउ गरेपछि सिरहामा राजमार्ग अवरुद्ध पारिएको छ ।
जनमत पार्टीका नेता कार्यकर्ताले पूर्वपश्चिम राजमार्ग अन्तर्गत धनगढीमाई नगरपालिका-८ स्थित कसहा चोकमा राजमार्गमै टायर बाली प्रदर्शन थालेका हुन् ।
‘धोती दिवस’ लेखिएको ब्यानरसहित आज बिहान सेतो धोती लगाएर माइतीघरमा भेला भएका ५८ जना बढीलाई प्रहरीले पक्राउ गरेको थियो । पक्राउ पर्नेमा जनमत पार्टीका अध्यक्ष डा. सीके राउत, उपाध्यक्ष अब्दुल खान, दिपक साह, प्रवक्ता डा. शरद सिंह यादव, राष्ट्रिय सचिव बीपी साहलगायत छन् ।
