३१ आषाढ २०८१, सोमबार
15-07-2024 , Mon
×

गृहमन्त्रीलाई डा.सीके राउतको प्रश्न: क्याबिनेट मन्त्रीलाई नै हिरासतमा लिने यो कस्तो गणतन्त्र ?

Logo
न्यूजमधेश प्रकाशित सोमबार, पुष १६, २०८०

काठमाडौं । जनमत पार्टीका अध्यक्ष डा.सीके राउतलाई गृहमन्त्री नारायणकाजी श्रेष्ठ आफैं हिरासतमा पुगेर छुटाएका छन् ।

आज माइतीघर सांस्कृतिक प्रदर्शन गर्न खोज्दा पार्टी अध्यक्ष डा.सीके राउत,संघीय मामिला तथा समान्य प्रशासन मन्त्री अनिता देवी साह,उपभोक्ता समितिका सभापति अब्दुल खानसहित ५३ जना नेताकार्यकर्ताहरु पक्राउ परेका थिए।

गृहमन्त्रीको रोहबरमा हिरासतमुक्त भएपछि पत्रकारहरुसँग कुरा गर्दै राउतले राज्यले आफूहरुमाथि विभेद गरेको आरोप लगाए । सांस्कृतिक प्रदर्शन भएकाले निषेधित क्षेत्रमा पनि जान दिनुपर्ने उनको तर्क थियो ।

डा.राउतले भने, ‘हामी जम्मा हुनासाथ धरपकड र धकेल्ने काम भयो । एकाएक सबैलाई हिरासतमा राखियो । मन्त्री र माननीयज्यूहरुलाई त यस्तो व्यवहार हुन्छ भने जनताको अवस्था के होला ?’

उनले विगतदेखि नै आफूहरुले जनवरी १ मा ‘धोति दिवस’ मनाउँदै आएको बताए । तर, मधेशी भनेर विभेद गरिएको उनको दावी थियो ।

‘कतिसम्म विभेद छ हेर्नुस । मधेस मुलकी महिलामन्त्रीलाई पक्राउ गरियो । अरु पार्टीको भ एगर्न सक्थे ? राष्ट्रिय पार्टीको अध्यक्षलाई पक्राउ गरियो । यो रंगभेद हो । आफ्नै क्याबिनेट मन्त्रीलाई हिरासतमा लिने यो कस्तो गणतन्त्र ? यो कस्तो मानवअधिकार ? धन्न हामीले संयम अपनायौं । नत्र देशभर आगो बल्ने अवस्था थियो,’ डा.राउतले धम्कीपूर्ण भाषामा भने ।

मन्त्री आफैं हिरासत पुगेर छुटाएको विषयमा पत्रकारले प्रश्न गर्दा उनले जवाफ दियो, ‘हाम्रो सर्त नै मन्त्री आएर जवाफ दिनुपर्छ भन्ने थियो, त्यसैले आउनुभयो ।’

कमेन्ट गर्नुहोस्
सम्बन्धित

जनकपुरधाम । मधेस प्रदेश सरकारले आगामी आर्थिक वर्षका लागि विनियोजन गरेको बजेटका सम्बन्धमा उठेका सवाल छानबिनका लागि उच्चस्तरीय छानबिन समिति गठन गर्ने निर्णय भएको छ । मधेश प्रदेशसभाको आजको बैठकमा सभामुख रामचन्द्र मण्डलले बजेटका सम्बन्धमा उठेका सवालबारे आवश्यक छानबिन गर्न उच्चस्तरीय समिति गठन गर्ने निर्णय भएको बताए । उनले समितिको जिम्मेवारी निर्धारणका लागि मुख्यमन्त्री सतिशकुमार […]

काठमाडौँ । अविरल वर्षाका कारण देशका विभिन्न स्थानमा आएको बाढीपहिराका कारण हालसम्म एक सय आठ जनाको मृत्यु भएको छ । प्रहरी प्रधान कार्यालयका अनुसार अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढीपहिरालगायत विपद्मा परी आज दिउँसोसम्म एक सय आठ जनाको मृत्यु भएको हो । मृत्यु हुनेमा काठमाडौँ उपत्यकामा दुई जना, कोशी […]

जलेश्वर । आर्थिक अनियमितताको आरोपमा निलम्बनमा परेका महोत्तरी सदरमुकाम जलेश्वर नगरपालिकाका प्रमुख सुरेश साह सोनारले मुद्दामा सफाइ पाएपछि आजदेखि पुनः कार्यभार सम्हालेका छन् । उनीसहित उपप्रमुख रौशन खातुन, वडा नं १ का वडाअध्यक्ष अनिलकुमार झा, कार्यपालिका सदस्य सोगरा खातुन, तत्कालीन प्रमुख प्रशासकीय अधिकृत मित्रलाल ढकाल र अधिकृत धिरेन्द्र झाले पनि सफाइ पाएपछि आजैदेखि कार्यभार सम्हालेका […]