दिपेन्द्र कुमार यादव , जनकपुरधाम । सिरहामा जनमत पार्टीका नेताकार्यकर्ताहरु रिहाई भएको छ।‘धोती दिवस’ मनाउने क्रममा काठमाडौंमा पक्राउ परेका नेता कार्यकर्तालाई रिहाइको माग गर्दै प्रदर्शनमा उत्रेका जनमत पार्टीका १३ नेता कार्यकर्ता सिरहाको गोलबजार बाट पक्राउ परेका थिए ।
सिरहाको गोलबजारस्थित पूर्व-पश्चिम राजमार्गमा प्रदर्शन गर्ने क्रममा प्रहरीले जनमत पार्टीका १३ नेता कार्यकर्तालाई पक्राउ गरेको थियो । पक्राउ पर्नेमा मधेशका पूर्वराज्यमन्त्री तथा सांसद संजय यादव, सांसद भाग्यश्री चौधरी, सिरहा क्याम्पस स्ववियू सभापति दिपेन्द्र यादवलगायतका थिए ।
पक्राउ परेका जनमतका सबैलाई ईलाका प्रहरी कार्यालय गोलबजारमा राखिएको थियो । राजमार्ग अबरुद्ध पार्न खोजेपछि उनीहरुलाई नियन्त्रणमा लिएको प्रहरीले जनाएको छ ।
प्रदर्शनका क्रममा गृहमन्त्रीको राजिनामा माग माग गरिएको छ । हत्यारा गृहमन्त्री राजिनामा देउ, धोती दिवसमा हस्तक्षेप गर्ने प्रहरीहरुलाई कारबाही गर, राष्ट्रीय अध्यक्षसहितलाई अबिलम्ब रिहा गर जस्ता नारा उनीहरुले लगाएका थिए ।
‘धोती दिवस’ मनाउने क्रममा काठमाडौंको माइतीघर मण्डलाबाट जनमतका राष्ट्रीय अध्यक्ष डा सीके राउतसहितका नेता कार्यकर्ताहरू पक्राउ परेका छन् । जनमत पार्टीले उनीहरुलाई रिहा गर्नुपर्ने माग गरेको छ । पार्टी अध्यक्ष राउत पक्राउ परेपछि मधेशको विभिन्न जिल्लाहरुमा पार्टीले प्रदर्शन गरेका थिए ।
त्यसतै पक्राउ परेका सबै कार्यकर्ता बेलुका रिहा भैसकेको छ।
