२० फाल्गुण २०८०, आइतबार
03-03-2024 , Sun
×

सिरहामा तरुण दलको अराजनीतिक गतिविधि, कांग्रेस नेता भन्छन् – अरविन्द मण्डल सभापति होइनन्

Logo
न्यूजमधेश प्रकाशित शनिबार, पुष २१, २०८०

सिरहा । नेपाली कांग्रेसको भातृ संगठन तरुण दल सिरहाले जिल्लामा अराजनीतिक गतिविधि गरिरहेको देखिएको छ । संगठनको आडमा यसले पछिल्लो समय विवादित गतिविधि गरिरहेको पाइएको हो ।

राजनीतिक संगठनले सुशासन र विधिको शासनको वकालत गर्नुपर्ने हो । तर, जिल्लाको संस्थापन पक्षका कांग्रेस नेता कुनै गलत काममा मुछिए, कांग्रेस निकट कार्यकर्ता कुनै गलत काम गरे तरुण दलले त्यसको विरोधमा कुनै न कुनै गतिविधि गरिरहन्छ ।

यो प्रवृत्ति फस्टाएको खासमा तबदेखि हो, जबदेखि अरविन्द मण्डल आफू सभापति भन्दै तरुण दलको एउटा समूह हाँक्न थाले । तरुण दलको मण्डलको समूहले गत शुक्रबार फेरि जिल्ला कारागार सिरहामा कांग्रेस निकट चौकिदार कैलाश ठाकुरको नेतृत्वमा भएको कैदीबन्दी कुटपिट घटनाको बचाउमा सिरहाका प्रमुख जिल्ला अधिकारी राजेन्द्रदेव पाण्डेलाई ज्ञापनपत्र बुझायो ।

यो घटनामा संलग्नलाई कारवाहीको माग गर्नुपर्नेमा संरक्षण गरेको भन्दै कांग्रेसकै नेताले आपत्ति जनाएका छन् । नेपाली कांग्रेसका क्षेत्र नम्बर ३ का क्षेत्रीय सभापति एवं क्षेत्र नम्बर ३ (ख) का प्रदेशसभा सदस्यका प्रत्यासी संजय प्रकाश यादवले कारागारको घटना निन्दनीय भएको र त्यसको संरक्षण गर्नु झन् आपत्तिजनक विषय भएको बताए ।

तरुण दलको सिरहाको आधिकारिक सभापति अरविन्द मण्डल नभई शरद राजा शाही भएको पनि उनले बताएका छन् । संगठन दुरुपयोग भइरहेको भन्दै आफूहरूको ध्यानाकर्षण भएको र यस घटनाको विषयमा बुझ्न भोलि आइतबार छलफल पनि बोलाइएको उनले जनाए ।

कमेन्ट गर्नुहोस्
सम्बन्धित

जनकपुरधाम । जनता समाजवादी पार्टी नेपालसहित विभिन्न पार्टी परित्याग गर्दै सयौं जना नेताकार्यकर्ताहरु जनमत पार्टी प्रवेश गरेका छन् । शुक्रबार जनमत पार्टी धनुषाका इन्चार्ज सुरेन्द्र मण्डलको अध्यक्षतामा भएको पार्टी प्रवेश कार्यक्रममा विभिन्न पार्टीका सयौं जना नेताकार्यकर्ताहरु जनमत प्रवेश गरेका हुन् । नवप्रवेशीहरुलाई कार्यक्रमका प्रमुख अतिथिसमेत रहेका जनमत पार्टीका राष्ट्रिय अध्यक्ष डा.सीके राउत खादा र अबिर […]

जनकपुरधाम । मधेश प्रदेशको राजधानी जनकपुरधामस्थित नयाँ सुविधा सम्पन्न होटल कालिका एन्ड रेष्टुरेन्ट सञ्चालनमा आएको छ । जनकपुरधाम उपमहानगरपालिका वडा नम्बर-२ कदमचोकस्थित होटल कालिका एन्ड रेष्टुरेन्ट सञ्चालनमा आएको हो । (सोमबार) विधिवत रूपमा रिबन काटेर होटलको उद्घाटन गरिएको छ । कदमचोकदेखि शिवचोक जाने बाटोमा राजश्री बैंकको अगाडि र सेन्टर मार्टको माथिल्लो तल्लामा रहेको सो रेष्टुरेन्ट सुविधा […]

जनकपुरधाम। धनुषा र सिरहा जोड्ने हुलाकी सडकअन्तर्गत कमला नदीमाथि मोटरेबल पुल निर्माण सुरु भएको १२ वर्ष बितिसक्दा पनि पूरा भएको छैन। तर सोही निर्माणाधीन पुल नजिकै नेपालकै सबैभन्दा लामो ‘कठाल मल्हनिया मल्टिस्पान’ झोलुङ्गे पुल सम्झौता अवधिभन्दा झण्डै छ महिनाअघि सम्पन्न भएको छ। धनुषाको जनकनन्दिनी गाउँपालिका-६ कठाल र सिराहा नगरपालिका-१३ मल्हनिया जोड्ने सो पुल निर्माण सक्नुपर्ने […]