३१ आषाढ २०८१, सोमबार
15-07-2024 , Mon
×

मन्त्री सिंह र नगरप्रमुख कटुवालको राजिनामा मागे जनमत

Logo
न्यूजमधेश प्रकाशित आइतबार, पुष २२, २०८०

सर्लाही । जनमत पार्टीले मधेश प्रदेशका स्वास्थ्य तथा जनसंख्या मन्त्री बिरेन्द्र प्रसाद सिंह र सर्लाहीको बरहथवा नगर प्रमुख कल्पना कुमारी कटुवालको राजिनामा माग गरेको छ ।

शनिवार जनमत पार्टीले सर्लाहीको कविलासीमा बरहथवामा प्रहरीको गोली लागेर मृत्यु भएका जयशंकर साहको सम्झानामा दिप प्रज्वल गर्दै मन्त्री सिंह र बरहथवा नगर प्रमुखको राजिनामा माग गरेको छ ।

नगर प्रमुख कटुवाल र स्वास्थ्य तथा जनसंख्या मन्त्री सिंहको व्यक्तिगत स्वार्थका कारण बरहथवामा निदोर्ष होनहार युवा मारिएको हुदाँ स्वास्थ्य मन्त्री सिंह र नगर प्रमुख कटुवाल नैतिकताको आधारमा पनि राजिनामा दिनुपर्ने जनमत पार्टी सर्लाहीको माग रहेको जनमत पार्टी सर्लाहीका जिल्ला ईन्चार्ज तथा केन्द्रिय सदस्य श्रीचन(सुजन) यादवले बताए ।

बरहथवा नगरकार्यपालिकाले २०८० असोज ९ गतेको बैठकको निर्णयअनुसार सञ्चालित प्राथमिक स्वास्थ्य केन्द्रलाई ५० शैयाको अस्पतालमा स्तरोन्नति गर्न स्वास्थ्य तथा जनसंख्या मन्त्रालय जनकपुरधामलाई पत्र पठाएको थियो।

गत १८ गते नगरपालिकालाई पत्रमार्फत मन्त्रालयले हस्तान्तरण प्रक्रिया पूरा गर्न भन्यो। मन्त्रालयले नगरपालिकाको माग सुनवाइ गरेपछि विवाद सुरु भयो। नगरपालिकाका मेयर कल्पना कुमारी कटुवालले प्राथमिक स्वास्थ्य केन्द्रलाई स्तरोन्नति गर्नुभन्दा ५० शै्याको अर्को अस्पताल बनाउन भनेपछि विवाद सुरु भएको हुदाँ मन्त्री सिंह र नगर प्रमुखको कारणले बरहथवाका एक सफल व्यवसायीले ज्यान गुमानुपरेको हुदाँ नगर प्रमुख कटुवालको जनमत पार्टीले राजिनामा माग गरेको जिल्ला ईन्चार्ज यादवले बताए ।

स्वास्थ्य तथा जनसंख्या मन्त्री सिंहले बरहथवा क्षेत्रमा कांग्रेसलाई बलियो बनाउन ठाडो हस्तक्षेप गरेको र नगर प्रमुख कटुवालले कांग्रेसलाई क्रेडिट मिल्छ भनेर नगरपालिकाले नै अस्पताल सञचालन गर्नुपर्ने अडान राखेको हुदाँ बरहथवा घटना हुन पुुगेको जिल्ला ईन्चार्ज यादवले आरोप लगाए ।

जनमत पार्टी सर्लाहीले बरहथवामा ज्यान गुमाएका जयशंकर साहलाई शहिद घोषणा गर्नुपर्ने, मृत्क परिवारलाई रु ५० लाख क्षतिपूर्ति दिनुपर्ने, मृत्कको नाम निर्माणधिन अस्पतालमा नामकरण गर्नुपर्ने, मृतकको शालिक बरहथवाको प्रमुख चौकमा स्थापना गर्नुपर्ने, गोली हान्ने र हान्ने लगाउनेलाई अपराधीलाई कानुनी कारवाही हुनुपर्ने लगायतको माग राखेको जिल्ला ईन्चार्ज यादवले बताए । जनमत पार्टीले यस अघि बरहथवा घटनाको सन्दर्भमा प्रेश विज्ञप्ती समेत निकाली सकेको छ ।

कमेन्ट गर्नुहोस्
सम्बन्धित

जनकपुरधाम । मधेस प्रदेश सरकारले आगामी आर्थिक वर्षका लागि विनियोजन गरेको बजेटका सम्बन्धमा उठेका सवाल छानबिनका लागि उच्चस्तरीय छानबिन समिति गठन गर्ने निर्णय भएको छ । मधेश प्रदेशसभाको आजको बैठकमा सभामुख रामचन्द्र मण्डलले बजेटका सम्बन्धमा उठेका सवालबारे आवश्यक छानबिन गर्न उच्चस्तरीय समिति गठन गर्ने निर्णय भएको बताए । उनले समितिको जिम्मेवारी निर्धारणका लागि मुख्यमन्त्री सतिशकुमार […]

काठमाडौँ । अविरल वर्षाका कारण देशका विभिन्न स्थानमा आएको बाढीपहिराका कारण हालसम्म एक सय आठ जनाको मृत्यु भएको छ । प्रहरी प्रधान कार्यालयका अनुसार अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढीपहिरालगायत विपद्मा परी आज दिउँसोसम्म एक सय आठ जनाको मृत्यु भएको हो । मृत्यु हुनेमा काठमाडौँ उपत्यकामा दुई जना, कोशी […]

जलेश्वर । आर्थिक अनियमितताको आरोपमा निलम्बनमा परेका महोत्तरी सदरमुकाम जलेश्वर नगरपालिकाका प्रमुख सुरेश साह सोनारले मुद्दामा सफाइ पाएपछि आजदेखि पुनः कार्यभार सम्हालेका छन् । उनीसहित उपप्रमुख रौशन खातुन, वडा नं १ का वडाअध्यक्ष अनिलकुमार झा, कार्यपालिका सदस्य सोगरा खातुन, तत्कालीन प्रमुख प्रशासकीय अधिकृत मित्रलाल ढकाल र अधिकृत धिरेन्द्र झाले पनि सफाइ पाएपछि आजैदेखि कार्यभार सम्हालेका […]