२८ आषाढ २०८१, शुक्रबार
12-07-2024 , Fri
×

बोराभित्र भेटिएका दुवै शवको पहिचान ४६ दिनपछि खुल्यो

Logo
न्यूजमधेश प्रकाशित सोमबार, पुष २३, २०८०

भरतपुर । चितवनको भरतपुर महानगरपालिका-१२ मिलनचोक स्थित पूर्व पश्चिम राजमार्गको कल्भर्टमुनि बोराभित्र बाँधिएको अवस्थामा फेला परेका मृतकको पहिचान खुलेको छ।

घटनाको ४६ दिनपछि मृतक र हत्यामा संलग्न दुवै पक्षको पहिचान भएको हो। घर भारत भई भरतपुरमा व्यापार गरी बस्दै आएका उनीहरु नाताले श्रीमान श्रीमती रहेको खुलेको छ।

जिल्ला प्रहरी कार्यालय चितवनका अनुसार उनीहरूको हत्यामा संलग्न पनि भारतीय नै रहेको खुलेको छ।

घटनामा संलग्नले सुरुमा श्रीमान् र त्यसपछि श्रीमतीलाई सलले बाँधेर हत्या गरेको खुलेको प्रहरीले जनाएको छ।

भरतपुर महानगरपालिका-१२ स्थित मिलनचोकको कल्भर्ट मुनि बोरामा बाँधिएको अवस्थामा गत मंसिर ६ गते एक पुरुष र महिलाको शव भेटिएको थियो।

घटनापछि नेपाल प्रहरीको केन्द्रीय अनुसन्धान ब्युरो (सीआईबी), प्रदेश प्रहरी हेटौंडा र चितवन प्रहरीले संयुक्त अनुसन्धान गरेका थिए।

प्रहरीले अनुसन्धानका क्रममा दुई पटकसम्म मृतकको अनुहारको स्केच सार्वजनिक गरेको थियो।

यस घटनाबारे सोमबार नै चितवन प्रहरीले पत्रकार सम्मेलन गरी जानकारी दिने भएको छ।

कमेन्ट गर्नुहोस्
सम्बन्धित

सिरहा । सिरहा र सप्तरीको सिमानामा बग्ने बलान नदीको बस्तीमा पस्ने गरेको छ । चुरे मूल भएको यो नदीमा सर्रे, खुट्टी र मुतनी, झिझिर, चहकालगाएतका सानाठूला खोला मिसिन्छन् । वर्षातमा नदी आसपासका सिरहा र सप्तरीका कयौँ बस्ती डुबानमा पर्ने गरेका छन् । “जमिनको लालपुर्जा छ, तर जमिन छैन । दशकौँदेखि गरिखाने जमिन बाढीले बगायो”, लहान […]

जनकपुरधाम । मुख्यमन्त्री सतिशकुमार सिंहले बजेटमा भएको कमजोरीको उच्चस्तरीय छानबिन गर्ने प्रतिवद्धता जनाएपछि मधेश प्रदेशसभा बैठकको अवरोध हटेको छ । बिहीबार बसेको प्रदेशसभाको सुरुमै जसपा नेपालका प्रमुख सचेतक रामअशिष यादवले बजेटमा त्रुटि भएको स्वीकार गरिसकेकाले उक्त बजेटमाथि प्रदेशसभामा छलफल नगर्ने बताए । त्यसपछि जसपा नेपालका सांसदहरु उठेर संसद अवरोध गरे । सभामुख रामचन्द्र मण्डलले यो […]

काठमाडौं । जनमत पार्टीले प्रधानमन्त्री पुष्पकमल दाहाल ‘प्रचण्ड’लाई विश्वासको मत नदिने भएको छ । पार्टीको बैठकले प्रधानमन्त्री दाहाललाई विश्वासको मत नदिने निर्णय गरेको प्रवक्ता डा शरदसिंह यादवले बताए । प्रधानमन्त्री दाहालले भोलि प्रतिनिधिसभामा विश्वासको मत लिने कार्यसूची रहेको हो। जनमत पार्टीको प्रतिनिधिसभामा छ सांसद रहेको छ । जनमतले नेपाली कांग्रेस र नेपाल कम्युनिष्ट पार्टी (एमाले)बीच […]