१५ चैत्र २०८०, बिहिबार
28-03-2024 , Thu
×

राष्ट्रपति भण्डारी दुर्ववहार गरेको मुद्दामा सबैजनालाई अदालतले दिए सफाइ

Logo
प्रकाशित आइतबार, भाद्र २९, २०७६

जनकपुरधाम । राष्ट्रपति विद्यादेवी भण्डारीलाई दुर्व्यवहार तथा जानकी मन्दिरमा तोडफोड गरेको मुद्दा लागेका सबैजनालाई अदालतले सफाइ दिएको छ।जिल्ला अदालत धनुषाले मुद्दामा सुनवाइ गर्दै आइतबार सबै आरोपीलाई सफाइ दिएको हो।

जिल्ला अदालत धनुषाका न्यायाधीश राजेश कटुवालको एकल इजलासले आरोपीहरुमाथि अभियोग प्रमाणित नभएको भन्दै आठैजना आरोपीलाई सफाइ दिएको बताइएको छ।

प्राचिन स्मारक तोडफोड तथा राष्ट्रपति प्रकरणका आरोपी सुशील कर्ण, रामजी राय, नवीन यादव, सीता चौधरी, शीला झा, विमला साह, विवेकचन्द्र अधिकारी र अशोक प्रसैलाले घटना भएको झण्डै चार वर्षपछि सफाइ पाएका हुन्।

मधेश आन्दोलन चलिरहेको बेला २०७२ पौष १ गते रामजानकी विवाह महोत्सवको अवसर पारेर राष्ट्रपति विद्यादेवी भण्डारी जनकपुर पुगेको बेला आन्दोलनकारीहरुले दुर्व्यवहार गर्नुका साथै जानकी मन्दिरको गर्वगृहमा तोडफोड गरेको भन्दै जानकी मन्दिर र नेपाल सरकारले आठजनालाई आरोपी बनाउँदै जिल्ला अदालत धनुषामा मुद्दा दायर गरेको थियो।

एकल महिला जानकी मन्दिरभित्र प्रवेश गर्दा मन्दिर अशुद्ध भएको भन्दै स्थानीय आन्दोलनकारीले गंगाजलसमेत छर्किएका थिए। तत्कालीन सरकारले घटनाको निन्दा गर्दै गृहमन्त्रालयका तत्कालीन सहसचिव विनोद केसीको संयोजकत्वमा चार सदस्यीय समिति गठन गरेको थियो।

समितिमा केसीसहित नेपाली प्रहरीका डिआइजी हेमन्तबहादुर पाल, सशस्त्र प्रहरी नायव महानिरीक्षक अरविन्द धिताल र अनुसन्धान निर्देशक यदुलाल खरेल सदस्य थिए। छानबिन समितिले पाँच सय पानाभन्दा बढीको आफ्नो प्रतिवेदन बुझाएको थियो।-नेपालसमय

कमेन्ट गर्नुहोस्
सम्बन्धित

काठमाडौँ । जनमत पार्टीले बैशाख १५ गते हुने उपनिर्वाचन अन्तर्गत इलाम-२ मा प्रेमदीप थाम्सुहाङलाई उम्मेदवार बनाउने निर्णय गरेको छ । पहिचानवादीहरूको तर्फबाट थाम्सुहाङ उम्मेदवार बनाउने निर्णय भएको अध्यक्ष डा. सीके राउतले बताए । थाम्सुहाङ किराँत-लिम्बुवान प्रदेश नामांकन अभियानका राष्ट्रिय अध्यक्ष हुन् । जनमतको हालै बसेको केन्द्रीय समितिको बैठकले कोशी प्रदेशमा चलिरहेको पहिचान आन्दोलनको मर्मबमोजिम पहिचानसहितको […]

जनकपुरधाम । गएराति सर्लाहीको चक्रघट्टा गाउँपालिका-३ सुन्द्रपुरबाट एक मोटरसाइकल चोरी भएको छ। स्थानीय रबिन्द्र कुमार पण्डितको घरबाट उनको प्रदेश-०२-००५ प २८६२ नम्बरको टिभिएस कम्पनीका बुल्लु रंगको एप्पाच्ची मोटरसाइकल चोरी भएको हो। एक सय ५० सीसीको सो मोटरसाइकल राति घरबाटै चोरी भएको मोटरसाइकल धनी पण्डितले बताए ।

जनकपुरधाम। मधेशका मुख्यमन्त्री सरोजकुमार यादवले नेकपा एमालेबाट थप तीन मन्त्री नियुक्त गर्दै मन्त्रिपरिषद् विस्तार गरेका छन् । आज शनिबार एमालेका प्रदेशसभा सदस्यहरु सत्रुधन प्रसाद सिंह कोइरी, राजकुमार लेखी र स्वतन्त्र जितेर एमाले प्रवेश गरेका प्रमोद जयसवालले प्रदेश प्रमुख सुमित्रा भण्डारीसमक्ष मन्त्री पदको शपथ लिएका छन् । राजकुमार लेखीले गृह, सञ्चार तथा कानून, शत्रुधन सिंहले स्वास्थ्य […]