१० फाल्गुण २०८०, बिहिबार
22-02-2024 , Thu
×

सर्लाहीलाई जनमत पार्टीमय बनाउँदै इन्चार्ज यादव

Logo
न्यूजमधेश प्रकाशित शुक्रबार, पुष २७, २०८०

काठमाडौं । डा.सिके राउत नेतृत्वको जनमत पार्टी सर्लाहीमा निकै लोकप्रिय बन्दै गएको छ ।

आमचुनावपछि नेकपा माओवादी केन्द्र त्यागेर जनमत पार्टी सर्लाहीको नेतृत्व(इन्चार्ज) हुनु भएका युवा नेता श्रीचन यादव(सुजन)ले सर्लाही जिल्लालाई जनमत पार्टीमय बनाउँदै लग्नु भएको हो ।

जग बलियो भए घर बलियो हुन्छ भने झैं नेतृत्व गतिलो भए मात्रै पार्टी पनि बलियो हुने हो । पछिल्लो समय जनमत पार्टी सर्लाहीमा पनि ठ्याक्कै त्यस्तै भएको छ । जनमत पार्टी सर्लाहीले गतिलो नेतृत्व पाएकै कारण जिल्ला नै जनमत पार्टीमय बन्दै गएको हो ।

यसै क्रममा आज पनि जसपा, लोसपा लगायतका पार्टी परित्याग गरी दर्जनबढी नेताहरु जनमत पार्टीमा प्रवेश गरेका छन् । काठमाण्डौंको मध्येबानेश्वरमा भएको एक भव्य पार्टी प्रवेश कार्यक्रममा जिल्लाबाट काठमाडौं पुगेका नेताहरुले जनमत पार्टीका केन्द्रीय अध्यक्ष डा.सिके राउतको हातबाट अबीर टिका लगाई जनमत पार्टीमा प्रवेश गरेका हुन् ।

जसपा, लोसपा तथा अन्य पार्टी परित्याग गरी जनमत पार्टीमा प्रवेश गर्ने नेताहरुमा गएको चुनावमा वडा अध्यक्षको प्रत्यासी समेत रहनुभएका जसपा नेता रामएकवाल महतो, नेपाली काँग्रेसका क्षेत्रीय सदस्य पंकज चौधरी, जसपाका नेताहरु सुरेन्द्र चौधरी, बालकिशोर साह, फेकु चौधरी, शम्भु झा, सोहन गिरी, इन्दल पासमान, रंजित यादव लगायतका नेताहरु रहेका छन् ।

आम चुनाव यता सर्लाहीमा जनमत पार्टी प्रतिको लहर बर्षामासको भेलबाढी जतिकै आएको छ । नेता श्रीचन यादव आम चुनाव लगतै जनमत पार्टीमा प्रवेश गर्नुभयो र अहिले उहाँ सो पार्टीको जिल्ला इन्चार्ज हुनुहुन्छ । उहाँले पार्टी गतिविधि तथा संगठन निर्माण तथा विस्तारलाई उच्च तिब्रता दिईरहनुभएको छ ।

नेपाली जनताको आशा र भरोशा भनेकै अब जनमत पार्टीमा मात्रै रहेकोले आफू जनमत पार्टी मार्फत जनताको सेवामा लागेको नेता यादवले बताउनुभयो । उहाँले अहिले सम्म जिल्लाका २ सय ओटा वडामध्ये १ सय २० बढी वडाहरुको वडाअधिवेशन सम्पन्न भईसकेको बताउनु भएको छ । आगामी चैत्र २ र ३ गते जिल्ला अधिवेशन गर्ने गरी जनमत पार्टी सर्लाहीले जिल्लामा संगठन निर्माण तथा विस्तारलाई तिब्रता दिनु भएका नेता यादवले जिल्लामा गएको मंसीर १५ गतेदेखि वडाअधिवेशन गर्न सुरु गरेको बताउनुभयो ।

वडा अधिवेशन माघ १५ सम्ममा सक्ने र पालिकाहरुको अधिवेशन सकेर चैत्र २ र ३ गते जिल्ला अधिवेशन गर्ने तयारी भइरहेको नेता यादवले बताउनुभयो । उहाँले जनमत पार्टी देश बनाउने अभियानमा लागेको पार्टी भएकोले जनमत पार्टीमा आवद्ध हुन समेत उहाँले जिल्ला तथा देशवासीहरुमा अपिल गर्नुभएको छ।

कमेन्ट गर्नुहोस्
सम्बन्धित

काठमाडौं । जनमत पार्टीका अध्यक्ष डा.सीके राउतले अहिलेको शासन व्यवस्था ल्याउनेहरु नै अहिले डराउन थालेको बताएका छन् । बिहीबार प्रतिनिधिसभाको बैठकमा बोल्दै उनले कोतपर्व, भण्डारखाल पर्वजस्ता हिंसात्मक घटनाबाट प्रधानमन्त्री बनेका जंगबहादुर राणा आफैं सेतो बाघसँग डराएको भन्दै प्रमुख राजनीतिक दलहरु पनि आफैंले ल्याएको शासन व्यवस्थासँग डराएको टिप्पणी गरेका हुन् । ‘जंगबहादुर राणाले रगतको आहलमा खेलेर […]

काठमाडौँ । विश्वभर छरिएर रहेका मधेसीहरूको छाता सङ्गठन गैरआवासीय मधेशी सङ्घ (एनआरएमए) अन्तर्राष्ट्रिय समितिको अध्यक्षमा डा.श्यामबाबु महतो चयन भएका छन्। पाँचौँ महाधिवेशनबाट महतोको अध्यक्षतामा ५४ सदस्यीय अन्तर्राष्ट्रिय कार्यसमिति चयन भएको हो। जनमत पाटीका अध्यक्ष डा.चन्द्रकान्त राउतको प्रमुख आतिथ्यमा सम्पन्न पाँचौँ महाधिवेशनबाट कार्यसमिति चयन गरेको हो । समितिको वरिष्ठ उपाध्यक्षमा ई. विजयकुमार यादव, ई. धिरजकुमार साह, […]

जनकपुरधाम । धनुषाको बिहेद नगरपालिकाका ईन्जिनियर जयनाथ अधिकारी जनमत पार्टी प्रवेश गरेका छन् । बिहीबार जनमत पार्टी जनकपुरधामस्थित रहेको सचिवालयमा ईन्जिनियर अधिकारीलाई पार्टी प्रवेश गराइएको छ। ईन्जिनियर अधिकारीलाई जनमत पार्टीका केन्द्रिय सदस्य तथा धनुषा जिल्ला इन्चार्ज सुरेन्द्र कुमार मण्डलले पार्टीको सदस्यता प्रदान गर्दै उनलाई पार्टीमा भित्र्याएको छ। पार्टी प्रवेश गरेका ईन्जिनियर अधिकारीलाई जनमत पार्टीकी केन्द्रिय […]