०२ साउन २०८१, बिहिबार
18-07-2024 , Thu
×

गोलबजारका अधिकृत श्रीधर केसीले मदिरापान गर्न बाहुबली शैलीमा होटल खाली गराए

Logo
न्यूज मधेश प्रकाशित सोमबार, माघ ०१, २०८०

सिरहा । सिरहाको गोलबजार नगरपालिकाका प्रमुख प्रशासकिय अधिकृत श्रीधर केसीले मदिरापान गर्न बाहुबली शैलीमा होटल खाली गराएको घटना सार्वजनिक भएको छ ।

गत पुष २७ गते शुक्रबार राती ११ बजे १० जनाको जत्था लिएर गोलबजारका अधिकृत केसी वडा नम्बर ७ स्थित गणपति पेट्रोल पम्पमा रहेको एक चमेनागृहमा पुगे । चमेनागृहमा मुढा सल्काएर आगो ताप्ने बनाइएको छ ।

अगेना वरिपरी बसेर अधिकृत केसी दलबलसहित मदिरापान गर्न थाले । त्यही अवसरमा छरछिमेकका ४ जना युवाहरुले चमेनागृहको छेउमै रहेको अर्को एक चिया पसलको वरण्डामा बसेर चिया अर्डर गरे । चिया पिउन आएका युवा मध्ये एक जनाले चुरोट सल्काउन अधिकृत केसी बसेको ठाउँमा पुगेपछि बिबाद सुरु भयो ।

चुरोट सल्काउन अगेनो छेउमा पुगेका परमानन्द सदा भन्छन् उनीहरुले यहाँ ठूला मान्छेहरु खानपिन गर्न आएका छन् । तिमीहरु यहाँबाट जाउ भनेर आदेश दिए । हामी यता छेउमा बसेर चिया खान्छौं हजुरहरु इन्जोए गर्नुहोस् भन्यौ तर अधिकृत केसीको निकटम मित्र ज्ञान कुमार श्रेष्ठले तिमीहरु यहाँ किन आएको ? तुरुन्त यो ठाउँबाट गइहाल भनेर उर्दी लगाए ।

चिया पिउन गएका मध्ये ललित महतोले प्रतिवाद गरे । तपाईहरु यहाँ बसेर रक्सी खान हुने हामीले चिया खान नहुने ? होटल त सार्वजनिक स्थान हो । ललित महतो भन्छन् हामीले प्रतिवाद गरेको अधिकृत केसीसँग आएका दलबलका नाइके ज्ञान कुमार श्रेष्ठलाई मन परेन । उनले हामीलाई झम्टिन खोजे । उनीसँग भएका सबै केटाहरु जाइलाग्न खोजे । हामी त्यहाँबाट भाग्यौं । सिंहले थपे – हामी ४ जना मात्र थियौं उनीहरु १० जनाभन्दा अधिक थिए । फोन गरेर थप केटाहरु पनि बोलाउन थाले । हामी भाग्न थाल्यो उनीहरु दपेट्दै करिब सय मिटर पश्चिम हाम्रो टोलसम्म पुगे । हामी नभागेको भए कुटककुट हुन्थ्यो ।

यस विषयमा अधिकृत केसीसँग सम्पर्क गर्दा हुन सकेन । उनलाई जहिल्यै फोन गर्दा उठ्दैन । त्यहाँका एक कर्मचारी भन्छन्– अधिकृत केसी सर अपरिरित नम्बर रिसिभ गर्नुहुन्नँ ।

यस प्रसंगमा सिरहाका प्रहरी प्रमुख टेकुनन्द इवालिम्बुसँग जिज्ञाशा राख्दा उनले भने– त्यहाँ त्यस ठाउँमा रात्रीकालिन समयमा जमघट हुँदोरहेछ । त्यसलाई तुरुन्त नियन्त्रण गरिने छ । जोसुकै होस् जाँड खाएर होहल्ला गरेको पाइएमा पक्रेर थुन्नु भनेर मातहतका प्रहरी कार्यालयमा आदेश गरेको छु ।

कमेन्ट गर्नुहोस्
सम्बन्धित

काठमाडौं । ईयूको सहयोगमा क्रिएसन नेपालले ‘ग्रीनसिफ्ट एम्बेस्डर’ छनौटका लागि फारम आव्हान गरेको छ । ग्रीनसिफ्ट परियोजना अन्तर्गत वातावरण संरक्षण प्रति युवाहरुलाई सचेतना जगाउनका लागि ‘ग्रीनसिफ्ट एम्बेस्डर’ छनौटका लागि फारम आव्हान गरिएको हो । ईयूको सहयोगमा सञ्चालित ग्रीनसिफ्ट नेपाल परियोजनाको लक्ष्य र उद्देश्यहरू हासिल गर्न वृहत युवा संलग्नतालाई प्रवद्र्धन गर्नका लागि ‘ग्रीनसिफ्ट एम्बेस्डर’ एक महत्वपूर्ण […]

चितवन । चितवनमा एक वर्षको अवधिमा सवारी दुर्घटनामा परी एक सय १५ जनाको मृत्यु भएको छ । विसं २०८० साउनदेखि २०८१ असारसम्म उक्त मानवीय क्षति भएको हो । जिल्लाका भित्री सडकमा भन्दा राजमार्गमा भएका दुर्घटनामा परी बढी मानवीय क्षति भएको हो । दुर्घटनामा परी मृत्यु हुनेमा ९२ पुरुष, १९ महिला र चार बालक रहेका छन् […]

काठमाडौँ । काठमाडौँको उत्तरी भेगस्थित शेषनारायण मन्दिरमा आज बिहानैदेखि दर्शनार्थीको घुइँचो लागेको छ । दक्षिणकाली नगरपालिकाको फर्पिङमा पर्ने उक्त मन्दिरमा प्रत्येक वर्ष असार शुक्ल एकादशीका दिन मेला लाग्छ । यहाँ आउने भक्तजनलाई व्यवस्थित गर्न स्थानीय जनप्रतिनिधि र सुरक्षाकर्मी खटिएका छ्न् । काठमाडौँ उपत्यकाका चार नारायणमध्ये शेषनारायण मन्दिरलाई एक महत्त्वपूर्ण तीर्थस्थलका रूपमा लिइन्छ । असार शुक्ल […]