३१ आषाढ २०८१, सोमबार
15-07-2024 , Mon
×

मिचैयामा शैक्षिक सुधारको प्रयत्न : नियमित कोचिङ नआउने विद्यार्थीको दैलोमा मेयर यादव

Logo
न्यूजमधेश प्रकाशित मंगलबार, माघ ०२, २०८०

सिरहा । मिर्चैया नगरपालिकाभित्र सामुदायिक विद्यालयमध्ये पाँच वटा माध्यमिक विद्यालय छन् । ती सबैमा नगरपालिकाले कक्षा ८ देखि १० सम्मका विद्यार्थीका लागि निःशुल्क कोचिङ कक्षा सञ्चालन गर्दै आएको छ ।

मिर्चैया नगरपालिका ५ मिर्चैयास्थित मोहन नमूना माध्यमिक विद्यालय, वडा ७ फूलबरियास्थित बाबुजी राय जुनाई ठाकुर माध्यमिक विद्यालय, वडा १ विर्तास्थित सारदा माध्यमिक विद्यालय, वडा ११ सितापुरस्थित जनता माध्यमिक विद्यालय र वडा ३ स्थित आधारभूत विद्यालय राघोपुर गरी पाँचवटै विद्यलायमा बिहान ६ बजेदेखि ९ बजेसम्म कोचिङ कक्षा सञ्चालन हुन्छ ।

ती विद्यालयहरुमा कोचिङ कक्षा कसरी सञ्चालन भइरहेको छ भन्ने विषयमा अनुगमन गर्न नगरप्रमुख श्रवणकुमार यादव मंगलबार बिहानै सितापुरस्थित जनता माध्यमिक विद्यालयतिर हान्निए । उनी त्यहाँ पुगेर कक्षा कोठामा पसे । कोचिङ पढ्न आएका विद्यार्थीलाई मेयर यादवले धन्यवाद दिँदै हौस्याए ।

त्यसपछि उनले शिक्षकसँग विद्यार्थीको हाजिरी मागे । हाजिरी रजिस्टर हेर्दा सबै विद्यार्थी नियमित कोचिङ पढ्न नआएको उनले देखे । त्यसपछि तुरुन्तै फोन गरेर उनले विद्यालय व्यवस्थापन समितिका अध्यक्ष र स्थानीय वुद्धिजीवीहरुलाई विद्यालयमा बोलाए । उनीहरुलाई साथमै लिएर मेयर यादव गाउँमा निस्के ।

नियमित कोचिङ पढ्न नआउने विद्यार्थीहरुको घरदैलोमै पुगी उनले विद्यार्थी एवं अभिभावकलाई नगरपालिकाले थालेको शैक्षिक रुपान्तरणको अभियानप्रति गम्भीर बन्न र नियमित पढ्न आउन आग्रह गरे । शैक्षिक रुपान्तरण नगरपालिकाको एक्लो प्रयासले मात्र सम्भव नहुने भन्दै उनले यसप्रति समाजलाई चाँसो र निगरानी राख्न पनि अनुरोध गरे ।

स्थानीय अभिभावक र विद्यार्थीले पनि अब आफूहरु गम्भीर बन्ने बाचा मेयर यादवसँग गरेका थिए । विद्यार्थीको हित र शिक्षामा आकर्षण बढाउन नगरपालिका गुरुयोजना बनाएर अघि बढेको भन्दै मेयर यादवले सबैलाई यसमा साथ दिन अपिल गरेका छन् ।

कमेन्ट गर्नुहोस्
सम्बन्धित

जनकपुरधाम । मधेस प्रदेश सरकारले आगामी आर्थिक वर्षका लागि विनियोजन गरेको बजेटका सम्बन्धमा उठेका सवाल छानबिनका लागि उच्चस्तरीय छानबिन समिति गठन गर्ने निर्णय भएको छ । मधेश प्रदेशसभाको आजको बैठकमा सभामुख रामचन्द्र मण्डलले बजेटका सम्बन्धमा उठेका सवालबारे आवश्यक छानबिन गर्न उच्चस्तरीय समिति गठन गर्ने निर्णय भएको बताए । उनले समितिको जिम्मेवारी निर्धारणका लागि मुख्यमन्त्री सतिशकुमार […]

काठमाडौँ । अविरल वर्षाका कारण देशका विभिन्न स्थानमा आएको बाढीपहिराका कारण हालसम्म एक सय आठ जनाको मृत्यु भएको छ । प्रहरी प्रधान कार्यालयका अनुसार अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढीपहिरालगायत विपद्मा परी आज दिउँसोसम्म एक सय आठ जनाको मृत्यु भएको हो । मृत्यु हुनेमा काठमाडौँ उपत्यकामा दुई जना, कोशी […]

जलेश्वर । आर्थिक अनियमितताको आरोपमा निलम्बनमा परेका महोत्तरी सदरमुकाम जलेश्वर नगरपालिकाका प्रमुख सुरेश साह सोनारले मुद्दामा सफाइ पाएपछि आजदेखि पुनः कार्यभार सम्हालेका छन् । उनीसहित उपप्रमुख रौशन खातुन, वडा नं १ का वडाअध्यक्ष अनिलकुमार झा, कार्यपालिका सदस्य सोगरा खातुन, तत्कालीन प्रमुख प्रशासकीय अधिकृत मित्रलाल ढकाल र अधिकृत धिरेन्द्र झाले पनि सफाइ पाएपछि आजैदेखि कार्यभार सम्हालेका […]