जनकपुरधाम । जिल्ला प्रशासन कार्यालय सिरहामा मिटरब्याज ऋणीकाे एक समूहले एक साहु (महाजन)लाई कुटपिट तथा दुर्व्यवहार गरेका छन् ।
सिरहा नगरपालिका ९ का सुबोध नारायण गोइतलाई मिटरब्याज ऋण लिएकाहरुको समूहले कुटपिट गरेको हो । गोइतको टाउको फुटेको छ । उनी कानूनी व्यवसायी रहेको बुझिएको छ ।
मिटरब्याज सम्बन्धी उजुरीमा छलफलका लागि उनीहरुलाई प्रशासनले छलफलका लागि बोलाएका बेला घटना भएको हो । छलफल अगावै गोइतलाई अमरसहितका व्यक्तिहरु कुटपिट गरेको सिरहाका प्रहरी प्रमुख एसपी टेकुनन्द इवा लिम्बुले जानकारी दिए ।
उनले भने, ‘तीन/चार जना मिलेर कानून व्यवसायी गोइतलाई कुटपिट गरेको थियो । उहाँ प्राथमिक उपचार गराएर घर गइसक्नुभयो । अमरलाई नियन्त्रणमा लिएर अनुसन्धान गरिरहेका छौं ।’
