०८ माघ , औरही : सिरहाको औरही गाउँपालिकामा भएको तालाबन्दी खुलेको छ। गत माघ ०५ गते औरही गाउँपालिकाले आयोजना गरेको बलिदानी दिवस कार्यक्रममा पार्टी प्रबेश कार्यक्रम गराएपछी जनमत पार्टीले हिजो औरही गाउँपालिकामा तालाबन्दी गरेको थियो ।
औरही गाउँपालिका र जनमत पार्टी बिच आज भएको ०७ बुंदे सहमति पछि तालाबन्दी खुलेको छ। सरकारको तर्फबाट बलिदानी दिवसको दिन भएको कुनै पनि खर्च पालिकाबाट भुक्तानी नगर्ने , सरकारको कार्यक्रममा पार्टी प्रबेश गराएर त्रुटि भएको स्विकार्दै आइन्दा यस्ता त्रुटि नहुने लगायतका बुंदाहरुमा सहमति गरेपछी तालाबन्दी खुलेको जनमत पार्टीले जनाएको छ ।
औरही गाउँपालिकाले आज बिहानै जनमत पार्टीलाई सम्बोधन गर्दै वार्ताका लागि अहवान गरेको थियो।
