१० फाल्गुण २०८०, बिहिबार
22-02-2024 , Thu
×

गैरपत्रकारहरूको हालीमुहालीले पत्रकारिताको अस्तित्व संकटमा पर्‍यो

Logo
विनय आजाद प्रकाशित बिहिबार, माघ १८, २०८०

म पछिल्लो दुई-तीन दिनदेखि सिरहाका विभिन्न गाउँ-ठाउँ घुमिरहेको छु । अहिलेका पत्रकार र पत्रकारिताप्रतिको आम दृष्टिकोण बुझिरहेको छु । जिल्लाका ‘इस्यूज’हरू सशक्त ढंगले किन उठान हुन सकिरहेको छैन ? यसका कारणहरू पहिचान गरिरहेको छु ।

यसक्रममा जे पाएँ, त्यो उदेकलाग्दो छ । एउटा समय थियो – जतिबेला जनताले पत्रकारलाई आफ्ना प्रतिनिधि बुझ्थे । सत्ता र शासकको सदावहार प्रतिपक्ष बुझ्थे । त्यसैले समाजले पत्रकारलाई असाध्यै सम्मान र माया पनि दिन्थ्यो ।

तर, अचेल पत्रकारलाई भूइँ मान्छेले सत्ता र शासकको दलाल बुझ्न थालेका छन् । त्यो किनभने पत्रकारको भेषमा कतिपय व्यक्तिहरू प्रहरी, प्रशासनको घुमुवाको रूपमा काम गर्ने, हरेक अवैध धन्दा गर्नेहरूसँग महिनावारी खाने, सरकारी कार्यालयबाट तेल, विज्ञापन र काम उठाउने धन्दामा तल्लीन देखिएका छन् ।

उनीहरू तिनै व्यक्तिहरू हुन्, जसले एक अक्षर र वाक्य ठिक ढंगले लेख्न सक्दैनन्, अरूबाट लेखाउन लगाएर वा अरूले लेखेको समाचार कपी गरेर आफूलाई पत्रकार दावी गर्छन् । यतिमात्रै होइन, कतिपयले लेख्न जाने पनि त्यसको आडमा अवैध सम्पत्ति आर्जन गर्नका लागि पत्रकारिता गरिरहेका छन् ।

यसकारण जो विशुद्ध रूपमा निष्ठापूर्वक पत्रकारिता गर्दैछन्, उनीहरूप्रति बुझ्नेहरूले सम्मान देखाइरहे पनि भूइँका नागरिक भने सकारात्मक छैनन्, विश्वस्त छैनन् । पत्रकारिता राष्ट्रको चौथो अंग हो । त्यसैले यसलाई सम्मानित र महत्वपूर्ण पेशा मानिन्छ । तर, अहिले यी कारणहरूले गर्दा पत्रकारलाई समाज गम्भीरतापूर्वक लिनै छाडिसके ।

पत्रकारिता क्षेत्रका लागि यो गम्भीर विषय हो । पत्रकारिताको अस्तित्व रक्षा गर्न, पत्रकारितालाई गैरपत्रकारहरूबाट बचाउन ‘प्रोफेसनल’ र निष्ठावान पत्रकारहरूले सशक्त ढंगले लाग्नुपर्ने देखियो । किनकि, देश र समाज राजनीतिभन्दा बढी पत्रकारिताले बिगार्छ । यसको उदाहरण भारत हो ।

कमेन्ट गर्नुहोस्
सम्बन्धित

काठमाडौं । किसानको मागको समर्थनमा संयुक्त किसान मोर्चालगायत धेरै किसान संगठनहरूले शुक्रबार भारत बन्दको घोषणा गरेका छन् । संयुक्त किसान मोर्चाले गरेको ग्रामीण भारत बन्दको आह्वानमा यो बन्द गरिएको हो । ग्रामीण बन्दका कारण आज कृषिसम्बन्धी सबै काम बन्द रहने भारतीय सञ्चार माध्यमहरूले जनाएका छन् । ग्रामिण भारत बन्द भएकाले आज खेतीपातीसँग सम्बन्धित गतिविधि बन्द […]

सप्तरी। बलात्कारको अभियोगमा पुर्पक्षका लागि कारागार कार्यालय सप्तरी, राजविराजको थुनामा रहेका बन्दी मृत फेला परेका छन्। राजविराज कारागारको थुनामा रहेका सप्तरीको हनुमाननगर कंकालिनी नगरपालिका–६ का १९ वर्षीय देवेन्द्र मण्डल आइतबार मृत अवस्थामा फेला परेका कारागारका निमित्त प्रशासक सदानन्द दासले जानकारी दिए। उनका अनुसार मण्डलको शव कारागारभित्रको शौचालयमा झुण्डिएको अवस्थामा आइतबार बिहान फेला परेको हो। गत […]

विपिन यादव जनकपुरधाम । इलाका प्रहरी कार्यालय (इप्रका) यदुकुहाको पहलमा दुर्घटना न्यूनीकरण गर्न सडक पुलमा सुरक्षा पर्खाल लगाइएको छ । रातिका बेला भिजिबिलिटी कम हुँदा सम्भावित सडक दुर्घटना न्यूनीकरण गर्न सडक पुलमा सुरक्षा पर्खाल लगाइएको हो । इलाका प्रहरी कार्यालय यदुकुहाका निरीक्षक चन्द्रकिशोर साहले यदुकुहा–कमला सडकमा रहेको पुलबाट सवारीसाधर्न र ससाना बालबालिकाहरू झर्ने अत्यधिक जोखिम […]