३१ आषाढ २०८१, सोमबार
15-07-2024 , Mon
×

सर्लाहीमा जसपालाई ठुलो झड्का, कोषाध्यक्षसहित सयौं कार्यकर्ता जनमत पार्टीमा प्रवेश

Logo
न्यूजमधेश प्रकाशित बुधबार, माघ २४, २०८०

सर्लाही । आमचुनाव २०७९ यता मधेशमा बलियो पार्टीको रुपामा स्थापित भएको जनमत पार्टीप्रति जनताको आकर्षण झन् झन् बढ्दै गएको छ ।

डा.सीके राउतले नेतृत्व गरेको सो पार्टीमा आमचुनाव यता प्रवेश गर्नेहरुको लर्को नै लागेको छ भने सो क्रम अझै रोकिएको छैन । जनता समाजवादी पार्टी(जसपा), लोकतान्त्रिक समाजवादी पार्टी(लोसपा), नेपाली काँग्रेस, नेकपा एमाले, माओवादी केन्द्र र अन्य दल समेत परित्याग गरी जनमत पार्टीमा प्रवेशको लहर झन् झन् बढ्दै गएको हो ।

सर्लाहीसहित देशैभर लोकप्रियता बटुलिरहेको जनमत पार्टीले अहिले सर्लाहीसहित देशैभर संगठन निर्माण र विस्तारलाई तिब्रता दिई रहेको छ । यसै क्रममा अन्य पार्टीका हेवी वेटका नेता कार्यकर्ता समेतले जनमत पार्टी रोज्न थालेका छन् । यसै क्रममा आज पनि जनता समाजवादी पार्टी(जसपा)को सर्लाही जिल्ला कोषाध्यक्ष मनोज कुमार यादवको नेतृत्वमा ठुलो संख्यामा नेता तथा कार्यकर्ता जनमत पार्टीमा प्रवेश गरेका छन् ।

सो पार्टीले रामनगरमा आयोजना गरेको रामनगर वडा नम्बर ४ को वडाअधिवेशनका क्रममा जसपा जिल्ला कोषाध्यक्ष यादवसहित सयौंको संख्यामा अन्य नेता तथा कार्यकर्ता जनमत पार्टीमा प्रवेश गरेको जनमत पार्टीका केन्द्रीय सदस्य समेत रहेका जिल्ला इन्चार्ज श्रीचन यादव(सुजन)ले जनकारी दिनुभयो । रामनगर ४ मा मोदनारायण साहको संयोजकत्वमा ५१ सदस्यीय वार्ड कमिटी गठन गरिएको छ ।

उहाँका अनुसार डा.सिके राउत र जनमत पार्टीले लिएको नीति मन पराएर धेरै मानिसहरु अन्य पार्टी परित्याग गरी जनमत पार्टीमा प्रवेश गरिरहेका छन् । नेता मनोज कुमार यादव पनि जनता समाजवादी पार्टीले केही गर्न नसकेको र अब गर्ने भनेकै जनमत पार्टी भएकोले जनमत पार्टीमै प्रवेश गर्ने ईच्छा राखेपछि आफूहरुले उहाँहरुलाई भव्य रुपमा स्वागत गरेको जिल्ला इन्चार्ज सुजनले बताउनुभयो ।

उहाँले नव प्रवेशीहरुलाई आफूसहित प्रतिनिधिसभा सदस्यका प्रत्यासी एवम् पार्टीका केन्द्रीय सदस्य राकेश मिश्र लगायतका नेताहरुले फुलमाला अबिर लगाई पार्टीमा स्वागत गरेको बताउनुभयो ।

उहाँका अनुसार अहिले जनमत पार्टीले जिल्लामा संगठन निर्माण तथा विस्तारलाई तिब्रता दिई रहेको छ । जनअन्तर्गत अहिले वडा अधिवेशनहरु भईरहेका छन् ।

हालसम्म जिल्लाका १४० बढी वडाहरुको अधिवेशन सम्पन्न भईसकेको छ भने सँगै पालिका अधिवेशन पनि गर्ने तयारी भईरहेको छ ।

पालिका अधिवेशन बलरा नगरपालिकाबाट सुरु हुनेछ । बलराको अधिवेशन यही फाल्गुन २६ गते बलरा ११ छटौनामा रहेको सुधा राजेश्वर मावि प्राङ्खणमा आयोजना हुने छ ।

कमेन्ट गर्नुहोस्
सम्बन्धित

जनकपुरधाम । मधेस प्रदेश सरकारले आगामी आर्थिक वर्षका लागि विनियोजन गरेको बजेटका सम्बन्धमा उठेका सवाल छानबिनका लागि उच्चस्तरीय छानबिन समिति गठन गर्ने निर्णय भएको छ । मधेश प्रदेशसभाको आजको बैठकमा सभामुख रामचन्द्र मण्डलले बजेटका सम्बन्धमा उठेका सवालबारे आवश्यक छानबिन गर्न उच्चस्तरीय समिति गठन गर्ने निर्णय भएको बताए । उनले समितिको जिम्मेवारी निर्धारणका लागि मुख्यमन्त्री सतिशकुमार […]

काठमाडौँ । अविरल वर्षाका कारण देशका विभिन्न स्थानमा आएको बाढीपहिराका कारण हालसम्म एक सय आठ जनाको मृत्यु भएको छ । प्रहरी प्रधान कार्यालयका अनुसार अविरल वर्षाको कारण गत जेठ २८ गतेदेखि देशका विभिन्न स्थानमा आएको बाढीपहिरालगायत विपद्मा परी आज दिउँसोसम्म एक सय आठ जनाको मृत्यु भएको हो । मृत्यु हुनेमा काठमाडौँ उपत्यकामा दुई जना, कोशी […]

जलेश्वर । आर्थिक अनियमितताको आरोपमा निलम्बनमा परेका महोत्तरी सदरमुकाम जलेश्वर नगरपालिकाका प्रमुख सुरेश साह सोनारले मुद्दामा सफाइ पाएपछि आजदेखि पुनः कार्यभार सम्हालेका छन् । उनीसहित उपप्रमुख रौशन खातुन, वडा नं १ का वडाअध्यक्ष अनिलकुमार झा, कार्यपालिका सदस्य सोगरा खातुन, तत्कालीन प्रमुख प्रशासकीय अधिकृत मित्रलाल ढकाल र अधिकृत धिरेन्द्र झाले पनि सफाइ पाएपछि आजैदेखि कार्यभार सम्हालेका […]